amalinks wokungena

Breaking News

Izihambi Zikhala Ngesiphatho Esibi Samapholisa Emigwaqweni


Amapholisa kuroad block

Iqula leBotswana elethekelele kweleZimbabwe ukuyadingisisa ngamathuba ebhizimusi lokutshukwa kwezikhumba leminye imsebenzi efanayo, lithi lidaniswe yikuziphatha kwamapholisa emgwaqeni yeZimbabwe. Iqula leli lithi ukwenza kwamapholisa kulakho ukuxotsha abafisa ukwenza ibhizimusi kweleZimbabwe.

Umnunzana Boniface Keakabetswe obephakathi kwequla elethekelele kweleZimbabwe utshele iStudio 7 ukuthi amapholisa aweZimbabwe abahlukuluzile emgwaqweni. Uthi eminye imthetho ayicaci amapholisa ehamba ebahlawulisa indlela yonke.

Uqhubeke ethi indlela amapholisa aziphatha ngayo alakho ukuxotsha abafuna ukusungula amabhizimusi eZimbabwe, esithi kumele baguqule izenzo zabo.

Amapholisa aweZimbabwe kuroad block
Amapholisa aweZimbabwe kuroad block

Isiphatho samapholisa, esikade sagconwa nguzulu, asimangalisi inengi labaphuma kweleZimbabwe besithi lokhu kumele kufike emaphethelweni. Umnumzana Mthabisi Ndlovu uthi yena sebone kanengi amapholisa edinga ukufumbathiswa njalo ephatha ngocuku izethekeli lezihambi.

Ocubungula ngezombusazwe umnumzana Jean Khumalo waseGaborone uthi uhulumende weZimbabwe kumele abone ukuthi izisebenzi ezikunhlangothi ezisebenzelana lozulu ikakhulu izethekeli, zizibamba ngendlela ekhwabithekayo. Uthi uma kungenjalo umnotho ulakho ukuqhubeka ugugudeka ngoba abamabhizimusi befuna isiphatho esiqondileyo…

Kodwa, uKeakabetswe uthi ngaphandle kwesiphatho samapholisa bajabuliswe ngabakubonayo ngoba iZimbabwe ililizwe elibanzi kubhizimusi lokutshukwa kwezikhumba kanye le minye imsebenzi ehambelanayo.

Iqula leli beliye eZimbabwe phansi kwenhlelo ezisekelwa ngemali yinhlanganiso yomanyano wamazwe womhlaba, eye United Nations ukuze baqhube amabhizimusi atshiyeneyo kwezokulungiswa kwemphahla.

please wait

No media source currently available

0:00 0:02:23 0:00
Lapho esitholakala khona

XS
SM
MD
LG