amalinks wokungena

Breaking News

Isiqalisile Amalungiselelo Emidlalo Yalonyaka iHighlanders


Iqembu lenguqu eleHighlanders FC

Ngomgqibelo langeSonto abaqeqetshi beqembu le Highlanders bazaqhuba uhlelo lokudinga abadlali abatsha abangaba yingxenye yaleliqembu lonyaka.

Iqembu le Highlanders lenelise ukwala lilokhu lilesilinganiso esikhulu esabadlali abakade bevele bedlala bekuqembu leli nyakenye njalo inengi lalaba badlali abazabe bekhangelwe kulimpelaviki ngabadlali abavele bedlala kuqembu labasakhulayo ele Bosso 90 lona elikhankasa kusigaba se Southern Region Division One Soccer League.

Bakhona njalo abambalwa ababonwe ngabaqeqetshi beqembu bedlalela amanye amaqembu abazakuba yingxenye yaloluhlelo njalo labo abazatshengisa ukuba bona bengenelisa ukudlala kusigaba se Premier Soccer League bazanxuswa ukuba bazilolonge leqembu elidlala kusigaba saphezulu.

Iqembu le Highlanders lithethe isinqumo esokuba lizikhulisele abadlali ukuze lingasebenzisi imali lilokhu lithenga abadlali abavela kwamanye amaqembu okuyinto ebisenza ukuba isikwelede leliqembu elilaso sona esifika phose isigidi siyale silokhu sikhula.

Lalapho okuyabe kutholakale ukuba kulendingeko eyokuthenga umdlali evela phandle leliqembu lithatha umdlali oleminyaka engedluli amatshumi amabili lantathu.

Obona ngokudlelana lozulu kuqembu le Highlanders uRonald Moyo uthi umdlali oleminyaka eyedlula amatshumi amabili lantathu othathwa liqembu leli uyabe evele engumntwana wekhaya njengalokhu okwenzakale ngo Nqobizitha Masuku.

"Sikhangelele ukuthi uNqobizitha njengomdlali oke wadlala lapha kuqembu le Highlanders ngumuntu owaziyo amasiko aleliqembu kungakho ke sibona angazani ngumdlali ozasiphathisa kakhulu kumasizini lawa azayo."

Ngemva kohlelo lolu olwangempelaviki olokudinga abadlali abatsha iqembu le Highlanders lizasungula amalungiselelo alo alonyaka mhla zingamatshumi amabili kuyonale inyanga ka Zibandlela lapho abadlali abazahlolwa khona ngabo dokotela ukuba imizimba yabo ikulungele na ukudlala umdlalo wenguqu qede babesebesiya zilolonga besendaweni eyimfihlo okweviki elilodwa.

Phezu kuka Masuku abanye abadlali abadingwe liqembu le Highlanders ngababalisa uPrince Dube yena laye obevele engumdlali we Bosso engakayidlala kwele South Africa kanye lo Bukhosi Sibanda yena obedlalela iqembu le Bantu Rovers engakayi dlala laye kwele South Africa.

please wait

No media source currently available

0:00 0:02:11 0:00

Facebook Forum

XS
SM
MD
LG