amalinks wokungena

Breaking News

Isiqalisile Ukusetshenzisa Ijekiseni yeCoronavirus Elungiswe eMelika


FILE PHOTO: Pfizer vaccine photo illustration
FILE PHOTO: Pfizer vaccine photo illustration

Ijekiseni yokwelapha lokuvikela umkhuhlane weCovid-19 elungiswe yinkampani yeMelika iPfizer iqale ukusetshenziswa kweleBhilithane izolo.

Ugogo oleminyaka engamatshumi ayisitshiyagalolunye, 90, uNkosikazi Margaret Keenan ube ngumuntu wakuqala emhlabeni jikelele ukuhlatsha lijekiseni.

UNkosikazi Keenan ukhuthaze abanye ukuthi labo bahlatshwe ukuze bazivikele kumkhuhlane weCoronavirus, wona osubulele abantu abedlula isigidi esilengxenye emhlabeni jikelele.

EleBhilithani libe lilizwe lakuqala emhlabeni ukuvumela ukusetshenziswa kwejekiseni yePfizer le, eyilungise incedisana lenkampani yakweleGermany iBioNtech.

Ugatsha lweMelika olweFood and Drug Administration luzahlangana kusasa phezu kwalijekiseni. Lubikwa lulakho ukuhle luvumele ukusetshenziswa kwayo kulelilizwe.

Umkhuhlane weCovid-19 umemetheka ngendlela esabisayo eMelika kulezinsuku lapho obulala khona abantu abedlula inkulungwane ezimbili ngelanga.

UMongameli omutsha ozaqala umsebenzi mhlaka 20 ngoZibandlela uMnu Joe Biden uthi phakathi kwamalanga alikhulu engene embusweni, uhulumende wakhe uzahlala abantu abayizigidi ezilikhulu, 100 million.

Sixoxe losebenza kwezempilakahle uNkosazana Brenda Moyo utshele iStudio 7 ukuthi kuyajabulisa ukuthi umuthi usutholakele.

please wait

No media source currently available

0:00 0:02:27 0:00

XS
SM
MD
LG