amalinks wokungena

Breaking News

Kwamukelwa Ngenjabulo Ukuvuselelwa Kohambo lweSitimela Phakathi kweGoli leMusina


 Isithimela esisuka eGoli sisiya eMusina
Isithimela esisuka eGoli sisiya eMusina

ISouth Africa ibika ukuthi ikhangelele ukuqelisa uhambo lwalesi sithimela ukuze sibe ngesifika lakoBulawayo leHarare emavikini ambalwa alandelayo. Lokhu sekwemukelwe kakhulu yizizalwane zeZimbabwe.

Isithimela esisuka eGoli sisiya eMusina
Isithimela esisuka eGoli sisiya eMusina


Kusukela ngenyanga ezayo ekaMbimbitho izizalwane zeZimbabwe ezithwele imikhungulu ezifuna ukuya ekhaya sezizakwenelisa ukugada loba ukufaka imithwalo yazo esitimeleni esiya eMusina, bese zidinga ezinye indlela zokuchapha umngcele sezilubhekise ekhaya.
Uhlelo lwalesi sitimela lusungulwe lamhlanje ngumphathintambo wogatsha lwezokuthutha kweleSouth Africa umnumnzana Joe Maswanganyi. UMaswanganyi uthe ngemva kwamaviki ambalwa lesi sitimela kukhangelelwe ukuthi siqhubekele phambili siyefika eHarare lakoBulawayo.
Kantike uthi sizabe silobutofotofo obumangalisayo.

Isithimela esisuka eGoli sisiya eMusina
Isithimela esisuka eGoli sisiya eMusina


Kunendawo yokuqhubela imihlangano kulesi sitimela. Kuletolokisi njalo elokuzithokozisa abantu bezigidela. Sizafaka njalo i Wifi ukuze abantu benelisi ukungena ebulenjini be internet, bezisebenzisele amacomputer abo labomakhalekhukhwini indlela yonke.
Isiphathamandla senkampani yezitimela kweleSouth Africa umnumnzana Mthuthuzeli Swartz, utshele iStudio 7 ukuthi lesi sitimela sizanceda kakhulu izizalwane zeZimbabwe.
Siyazi ukuthi abantu abaninzi abaseZimbabwe kukho izinto abazithenga eSouth Africa, ababuya beyozithengisa eZimbabwe. Kanti ngoku because bezosebenzisa itrain ezabe ikhona, kutsho ukuthi iprice ezizobhadalwa ngabantu baseZimbabwe ngezinto ezithengwe eSouth Africa azizophakama, zizoba phansi kakhulu. So lento izokwenza ukuthi abantu bakhone uku saver imali yabo.

Isithimela esisuka eGoli sisiya eMusina
Isithimela esisuka eGoli sisiya eMusina


Leli linyathelo eselemukelewe ngezandla zombili yizizalwane zeZimbabwe. Inengi lithi lobanje lesi sitimela sizaqala siphelela eMusina, kuzabiza imali ephansi ukuthi bafake impahla zabo esitimeleni beyekwehla eMusina besebedinga ezinye indlela zokuthutha phambili.
Isizalwane seZimbabwe umnumnzana Khulekani Dube uthi sebebheke ngamehlo abombu ilanga lapho esizaqala ukufika khona koNtuthuziyathunqa.
Siyajabula kulo kho ngoba kuyosizakala thina ngoba yithi esisindwa yimithwalo. Ukuphathisa ezimoteni kuba nzima kakhulu ngoba ama price amaphezulu kakhulu. Kodwa esitimeleni sibhekelele ukuthola ukuthwalelwa ngeprice engcono kakhulu lathi noma sizihambela sihambe ngemali ereasonable.

Isithimela esisuka eGoli sisiya eMusina
Isithimela esisuka eGoli sisiya eMusina


Luloliwe uzabe esuka eJohannesburg ngoLweSihlanu ngo 17.15 ayefika eMusina ngeSabatha ekuseni ngo 08.45. EMusina usuka ngeNsonto ntambama ngo 15.25 esiyafika eJohannesburg ngo 05.44. Abafuna ukugada amatolokisi kawonke wonke bazahlawula i R100 bese kusithi abafunala alembeda babhadale i R160.

Udaba lwesithimela esisuka eEgoli sisiya eZimbabwe siluphiwa nguBenedict Nhlapho
please wait

No media source currently available

0:00 0:02:57 0:00
XS
SM
MD
LG