amalinks wokungena

Isixwayiso kuMnangagwa: Tshiyana Lokudlelana Labahlamuki

  • Ntungamili Nkomo

Abagcinisihlalo bezabelo zebandla leZanu PF sebesole, uMnu. Emmerson Mnangagwa, ngokudlelana labantu abaxotshwe kulelibandla.

Abantu laba baxotshwa ngezizatho ezitshiyeneyo ezigoqela ukweyisa uMongameli Mugabe lokuba ngamahlongandlebe.

Embikweni abawethule ngoLwesithathu, abagcinisihlalo laba bathe uMnangagwa kamelanga abe lobudlelwano “labahlamuki” ngoba ukwenza njalo kumenza ebonakale njengomuntu ojonge ukuvukela umbuso kaMugabe.

UMnangagwa wenze idili elikhulu ngekhefu lekhisimusi labantu abaxotshwe kuZanu PF abamsekelayo abagoqela uMnu Energy Mutodi.

Emkhosini lo uMnangagwa wabonakala enatha ngenkomitsho eyayibhalwe ukuthi “I am the boss,” okuyinto eyasolwa kakhulu ngabecele leZanu PF elilwisana laye eleG40.

Ingcwethi kwezombusazwe uMnu. Nkululeko Sibanda utshele iStudio 7 ukuthi umbiko wabagcinisihlalo beZanu PF uchaya mgceke ukulwisana okukhona kulelibandla.

XS
SM
MD
LG