amalinks wokungena

Breaking News

Umsakazo weStudio 7 Unanza Iminyaka Engu14 Usungulwe


Umsakazo weStudio 7

Ingakabi khona i Studio 7, abantu bathi kwakunzima ukuzwa ngokwenzakala elizweni, kunyathezelwa, inkokheli zenhlangothi ezehlukeneyo, ingafuni ukuthi iqiniso liphume.

Umnumzana Conrad Gweru, wase Harare, uthi umsakazo we Studio 7, wakuguqula konke lokho.

U Gweru ethi lumsakazo uze ngesikhathi esiqondileyo, waba lusizo kuzulu weZimbabwe obengela lapho angatsho khona umbono wakhe.

Obona ngezokuhlelwa kwenhlelo enhlanganisweni ye Voluntary Media Council of Zimbabwe ( VMCZ ), unkosazana Faith Ndlovu uthi ukuza kwe Studio Seven, kube yinto ejabulisayo.

Umqondisi wenhlanganiso ye Growthedge Development Programme Zimbabwe ( GDP Zimbabwe ), umnumzana Zisunko Ndlovu, uthi lumsakazo usize abasemaphandleni, abakade benganelisi ukuthola izindaba zokwenzakala elizweni.

Inkokheli yebandla le Zanu Pf, ngakwelinye icele iwubona ngelinye ilihlo umsakazo we Studio 7. Omunye wabo kungummeli we Makonde edale le phalamende, umnumzana Kindness Paradza owethesa umlandu wokungasebenzi ngokusemthethweni.

Kodwa inengi labakhulumisane lalo msakazo, bakhala ngokuthi silutshwana kakhulu isikhathi sokusakaza kuStudio 7, befisa ngabe abaqondisa umsebenzi kuVoice of America bayasengezelela, kodwa bewufisela elakusasa elihle.

Udaba lokunanza iminyaka engu14 siluphiwa nguMavis Gama
please wait

No media source currently available

0:00 0:04:27 0:00

Facebook Forum

XS
SM
MD
LG