amalinks wokungena

Breaking News

Kwenziwa Umkhosi Wokukhumbula uItai Dzamara Owathunjwa Ngomyaka ka2015


UNkosikazi Sheffra Dzamara

Uzulu weZimbabwe umanyane labemhuli yako Dzamara, ukunanza usuku lapho uItai Dzamara anyamalala ngalo ngemva kokuthunjwa ngababecatshangelwa ukuba ngabezomvikela eminyakeni emithathu edluleyo.

UDzamara wayetshengisela endaweni yokuzilibazisa eye Africa Unity Square ekhankasela ukwehla esikhundleni kowayengumongameli uMnu. Robert Mugabe.

Beligcwele ubuhulungu ilizwi lika Nkosikazi Shefra Dzamara ngesikhathi ekhalela ingoma ebihlatshelwa embuthanweni wokukhumbula umkakhe owenzelwe e Africa Unity Square, eHarare.

UNkosikazi Dzamara ulandisa ngobunzima abhekane labo selokhu umkakhe u Itai owayekhokhela umkhankaso wokusuka kukaMugabe esikhundleni phansi kwegama elithi Occupy Africa Unity Square ngesikhathi ethunjwa.

Umqondisi wenhlanganiso yezakhamizi eye Combined Harare Residents Association, uMnu. Mfundo Mlilo, uveze ukukhathazeka ngobude besikhathi uItai engaziwa ukuba lokhe esaphila na loba hatshi.

UMlilo uthi uzulu akamthembi uhulumende okhona ukuthi uzahlazulula loludaba.

Lokhu kusekelwe ngumqondisi wenhlanganiso ebona ngokulondolozwa kwelungelo loluntu eye Amnesty International, uMnu. Cousin Zilala.

Ukhuthaza uMongameli Emmerson Mnangagwa ukuba awahloniphe amalungelo oluntu.

Uqhubeke ethi makalilalele ilizwi lokukhalaza kukazulu uMnangagwa ohlezi ethi ulalela ilizwi labantu ngoba kulilizwi likaNkulunkulu.

UMnu. Stephen Sibanda, omunye wabasebenzisana lo Itayi Dzamara kulomkhankaso weOccupy Africa Unity Square wokuthi uMugabe asuke esikhundleni, uchaze uItai njengendoda eyabalesibindi ngaleso sikhathi, wamqonda uMugabe inengi lisagcwele ukwesaba.

Lanxa amapholisa eze ngobunengi, bethwelwe ngezimota ezinkulu, akazange awuphazamise lumkhosi.

Imibiko ebisethulwa lapho ibikhuthaza uhulumende ukuba amveze ephila loba sewafa uItayi, owanyamalala mhla ka 9 Mbimbitho ngomyaka ka 2015.

Abakade bekhona bagoqela abenhlanganiso ezimela ilungelo likazulu enhlangothini ezitshyeneyo zempilo labantu makhaza.

Facebook Forum

XS
SM
MD
LG