Ukuphumelela kweGhana ukudlulela kuhlandla lesibili emidlalweni yenguqu yomhlaba sekuvuselele intshukuntshu yabalandeli bebhola beZimbabwe akade sebelahle ithemba lokuthi inkezo yalonyaka ingathathwa yilizwe lase Africa.
Abalandeli laba bathi nxa usekelo obeluphiwa iqembu le Bafana-Bafana lungaphiwa iGhana, kungenzeka iyithathe inkezo. Ukuphumelela kweGhana ukungena kuhlandla lesibili sekusitsho ukuthi sekuyiyo yodwa ithemba lama Africa.
Abanye bachaze lokhu kuphumelela njengesimanga ebesingalindelwe. Emdlalweni ka group D iGhana iwiswe phansi yi Germany nge 1 ka 0 iGermany yahle yaba yiyo ephambili kugroup D. I-Australia itshaye i Serbia nge 2 ka 1 kwatsho ukuthi yona le Ghana sezilwela indawo yesibili ngemva kweGermany.