amalinks wokungena

Breaking News

I-UNDP Ilakho Ukuphathisa eleZimbabwe Ngemali Yokhetho


Umkhokheli wogatsha lweUnited Nations Development Program uzakuya eZimbabwe ngoLwesine esiyakhulumisana lohulumende ngoncedo oluqondane lokhetho iUNDP engalupha ilizwe.

I-UNDP ithi uMnu Achim Steiner uzahlangana loMongameli Emmerson Mnangagwa lezinye izicukuthwana zikahulumende, ezekomishini yokhetho kanye lezenhlanganiso ezizimeleyo.

Ugatsha lolu luthi luzimisele ukuncendisa uhulumende kulokho angaba esilela ngakho kundaba zokhetho.

Umgcinisihlalo weZimbabwe Electoral Commission (ZEC) uJustice Priscilla Chigumba uthi phakathi kwe$60 million efunwa yikomishini yakhe, uhulumende useyiphe i$900 000 kuphela.

Esikhathini esedluleyo kusabusa uMongameli Robert Mugabe, uhulumende ubesala ukuncediswa ngemali yokhetho zinhlanganiso ezivela phandle.

Umbuzo omkhulu ngothi, uhulumende kaMnangagwa uzayivuma yini imali nxa ethe wayithenjiswa yiUNDP? Kungenzeka, kutsho ingcwethi kwezombusazwe uMnu Rejoice Ngwenya.

please wait

No media source currently available

0:00 0:02:29 0:00

Facebook Forum

XS
SM
MD
LG