amalinks wokungena

Breaking News

IVeritas Ithi Kusakunengi Okumele Kwenziwe Andubana Kwenziwe iReferendum


Imbiko kaMongameli Mugabe yokuthi ukhetho lwe-Referendum kumele lwenziwe ngenyanga ezayo kayisoze ifezeke ngoba kusakunengi okumele kwenziwe andubana isisekelo lesi siphele ukulotshwa, kutsho inhlanganiso ehlaziya imithetho yelizwe iVeritas.

Inhlanganiso le ithi abaloba lesisisekelo kumele basihambise emhlanganweni wesibili wamabandla lenhlanganiso ezizimeleyo usihlaziye andubana luyehluzwa lidale lephalamende.

Kumele njalo sidindwe ngazo zonke indimi ezikhona elizweni sinikezwe uzulu asihlaziye kungakenziwa i-referendum. Ngalokho iVeritas ithi konke lokhu ngeke kwenziwe ngenyanga eyodwa.

Embikweni ewethule ngoLwesibili, inhlanganiso le ixwayise ukuthi uMugabe engaqhubekela phambili ngokubiza ukhetho kungenziwanga inguquko ethile kwezombusazwe, ilizwe lilakho ukwehlelwa ludlakela olwaba khona ngo2008 kumbe olwedlula lapho.

UMugabe uthi inyanga ezayo ingaphela isisekelo singakapheli ukulotshwa, uzabuyela kusisekelo seLanchaster House, abize ukhetho phansi kwaso, okuyinto eyalwa ngamacele womabili eMDC.

UNtungamili Nkomo oweSudio 7 uxhume umqondisi wenhlanganiso yeZimbabwe Youth Development Trust uMnu Liberty Bhebhe yena othi lusalude uhambo andubana kwenziwe i-referendum.

XS
SM
MD
LG