amalinks wokungena

Breaking News

IWoza Iyatshengisela eHarare Phezu Kodaba Lwesisekelo


Amalunga enhlanganiso yeWomen of Zimbabwe Arise (WOZA) edlula amakhulu amabili atshengisele eHarare ngoLwesibili ekhonona ngodaba lwesisekelo sombuso esitsha.

Ukutshengisela lokhu kulandele okwangoMvulo koBulawayo lapho amalunga alinhlanganiso angene ezitaladeni ekhonona ngodaba lunye.

IWoza yinhlanganiso ekhankasela ukulondolozwa kwamalungelo abesifazana njalo ihlezi itshengisela phezu kwezinto ezitshiyeneyo.

Inhlanganiso le ithi ifuna uhulumende abize umhlangano weSecond All-Stakeholders Conference kuhlaziywe isisekelo sombuso.

Isiphathamandla seWoza, uNkosazana Magodonga Mahlangu utshele iStudio 7 ukuthi njengakoBulawayo, akulamuntu obotshiweyo ekutshengiseleni kwabo eHarare.
XS
SM
MD
LG