amalinks wokungena

Breaking News

Iyakhokhela IZimbabwe Kunani Lezibotshwa EziseSouth Africa


Umphathintambo obona ngezamajele kweleSouth Africa uNkosikazi Nosiviwe Mapisa-Nqakula uthi eleZimbabwe yilo elilenani lezibotshwa eliphezulu ukwedlula izizalwane zamanye amazwe wonke ezipikayo kwele South Africa.

UNkosikazi Mapisa-Nqakula uveze ngoLwesihlanu ukuthi abakwamanye amazwe abavalelwe emajele eSouth Africa bazinkulungwane phose ezinhlanu, 4, 982.

Uthe abeZimbabwe abapikayo phakathi kwaleli nani bazinkulungwane phose ezimbili, 1 913.

Uqhubeke wathi abeZimbabwe bedlula abakwamanye amazwe ngitsho lababotshiweyo abamelele ukuthoniswa, bona abafika phose inkulungwane ezimbili, 1, 887.

IMozambique layo iyalandela ngezibotshwa ezifika phose inkulungwane lenxenye, 1, 449, izelandela njalo kuzibotshwa ezimelele ukuthoniswa ezingu 916.

Ezinye ngezivela emazweni afana leNigeria, Botswana, Namibia, Swaziland leLesotho.

Ingcwethi ebona ngokungena lokuphuma kwabantu emazweni atshiyeneyo (human migration), uMnu Mlamuli Nkomo utshele uNtungamili Nkomo weStudio 7 ukuthi isizatho sokuthi iZimbabwe ibe lenani lezibotshwa eliphezulu kangaka kweleSouth Africa yikuthi vele zinengi izizalwane zeZimbabwe ezikulelolizwe.

Okuhambelana lalokhu

XS
SM
MD
LG