amalinks wokungena

Iyaqala Imihlangano Yokudinga Imbono Kazulu Ngomthetho Wokuxolelana

  • Ntungamili Nkomo

Ikomidi yedale lephalamende ebona ngokubunjwa kwemithetho ngoMvulo iqale imihlangano yokudinga imbono kazulu ngogwalo lomthetho weNational Peace and Reconciliation Bill.

Umthetho lo ujonge ukuqondisa umsebenzi wekomishini ebona ngohlelo lokuxolelana phezu kwamacala adalwa eminyakeni edluleyo ikakhulu aphathelane lezombusazwe.

Ikomidi le yenze umhlangano eMasvingo lapho uzulu walindawo athe kalwamukeli lolugwalo ngoba luzakwenza umthetho lo ufake amandla amanengi ezandleni zikamphathintambo wezemithetho.

NgoLwesibili khona ikomidi le izaqhuba imihlangano efanayo koBulawayo laseMutare kuthi ngoLwesithathu izakuya ePlumtree laseMarondera.

NgoLwesine izakuya eBndula leChinhoyi kuthi ngoLwesihlanu igqibe uhlelo lolu ngomhlangano ozaqhutshelwa esigodlweni, iHarare.

Ingcwethi kwezombusazwe uMnu. Dumisani Nkomo utshele iStudio 7 ukuthi ukuze uzulu awamukele lumthetho kuzamale ukubeke sobala egcekeni ukuthi ababulawelwa izihlobo zabo ngesikhathi seGukurahundi bazahlawulwa njani.

Facebook Forum

XS
SM
MD
LG