amalinks wokungena

Breaking News

Iyasolwa Inkokheli Yebutho Ngokungenela Kwezombusazwe


Inkokheli yebutho iqhubeka ilwisana lomphathintambo wezemfundo yaphezulu, uMnu Jonathan Moyo, empini yokubanga isikhudla sikaMongameli Robert Mugabe.

Impi le iphakathi kwecele elisekela uMnu. Emmerson Mnangagwa lele Generation 40 (G40), elibikwa lilamalunga agoqela uNkosikazi Grace Mugabe laye uMoyo.

Umkhokheli wamabutho alwa esemoyeni uAir Marshall Perrence Shiri uchothoze uMoyo ngempelaviki esithi ungumuntu omubi njalo owabaleka empini.

Umkhokheli wengatsha zonke zamabutho uGeneral Constantine Chiwenga laye wethule amazwi afanayo ngeviki edluleyo lapho ethusele khona uMoyo esithi kabasoze bamvumele ediliza ibandla leZanu PF.

Kumpendulo yakhe ayethule enkundleni yeTwitter, uMoyo yena uxwayise uMnu. Shiri ukuthi ezithulele nje athi zwi.

Uphinde wakhuthaza uChiwenga ukuthi aphumele egcekeni atshele abantu ukuthi wabhalelwa ngubani izivivinyo zakhe zePHD.

Ngamanye amazwe uMoyo uthi uChiwenga wathola iPHD yakhe eUniversity of Kwazulu Natal kweleSouth Africa ngokuqilibezela.

Ukudlephana phakathi kukaMnu Moyo labakhokheli bebutho lokhu sokwenze abanye basola uShiri loChiwenga besithi kabamelanga bangenela kundaba zombusazwe.

Omunye wabo yingcwethi ecubungula ezombusazwe uMnu. Mqondobanzi Magonya.

“Eqinisweni ayisikho okuvunywa yisiqu sombuso, iConstitution,” kutsho uMagonya. “Yikuganga okwenziwa ngabebutho ukuthi sebengenela kwezombusazwe.”

please wait

No media source currently available

0:00 0:02:16 0:00

Facebook Forum

XS
SM
MD
LG