amalinks wokungena

Izakhamizi Zikhala Ngokuncitshwa Ukudla Yinkampani yeGMB


Grain Marketing Board

Izakhamizi zakoBulawayo zithi izisebenzi zikahulumende ezabela ukudla zilenkethabetshabi njalo zifuna ukufumbathiswa umuntu engakangeni kuhlelo lokutholiswa ukudla.

NgoLwesithathu izimota zesiphala selizwe ezeGrain Marketing Board (GMB) bezithwele umumbu ziwusa endaweni lapho okuholelwa khona kodwa izakhamizi zisole ukwenza kwababela lokhu kudla lababhalisayo bethi balomkhuba omubi wokudinga ukufumbathiswa lenkethabetshabi.

UNkosikazi Nomusa Nkiwane, isakhamuzi sakoBulawayo, ukhala ngokuthi uhulumende uyehluleka ukuqondisa loluhlelo ngoba ubugwelegwele buqhubekela phambili ekwabelweni kokudla.

Abatholiswa ukudla ngezinye izikhathi bayeqiwa ngoba bengafumbathisanga ababela ukudla, okusolwe kakhulu nguNkosikazi Nomathemba Moyo othi abantu abakhulileyo bazayithathaphi imali yokufumbathisa khona ukudla kumele kuphiwe kungela mbadalo.

UMnu. Mandla Tshuma uthe kade uhulumende waziswa ngokungahambi kahle kohlelo lolu.

Uhlelo lokutholisa abantu ukudla Luqhubekela phambili emadolobheni nomanje izisebenzi zikahulumende zicalwa ngokufuna ukufumbathiswa kunye lenkethabetshabi.

Uhulumende usebenzisa amalunga eZanu PF ekubhaliseni abantu abaholayo kodwa inengi labo izwe jikelele lanxa becalwa umlandu wokutholisa labo abakubandla elibusayo labafumbathisayo kuphela.

Facebook Forum

XS
SM
MD
LG