amalinks wokungena

Izakhamizi Zizondiswa Yikwehluleka Kukahulumende Ekuqhubeni Inhlelo Ngemfanelo eMat. South


Uzulu wasedolobheni le Gwanda sesole iqula lephalamende elibona ngokusetshenziswa kwemali esithi uhulumende akalandaba lentuthuko yeZansi yeMandebeleni ngoba kulamadamu kanye lezakhiwo ezingakapheli.

Inengi labantu abakade besemhlanganweni wokuhlaziya ngoluhlu lwemali esetshenziswa nguhulumende olwe Budget oqhutshelwe ewoteleni yeGwanda belikhala ngokungayakhiwa kwedamu leTuli Manyame lona elakhulunywa ngalo kusukela ngomnyaka ka1985 kodwa kuze kube lalamuhla akula osekwenziwe.

UMnumzana Timothy Zulu, isakhamuzi seGwanda njalo elilunga leZanu PF ngomunye wabakhathazekileyo ngodaba lweTuli Manyame Dam.

“Ngibuye kupoint kaCEO weGwanda okhulume ngeTuli Manyame nxa ekhuluma ngeTuli Manyame Dam phose ikomidi yenu kuyafanana lokuthi sikhuluma sodwa ngoba akula lapho elizakufikisa khona, iTuli Manyame iqale ukuproposer nguEdward Ndlovu ngo1985 enguDeputy Minister of Water, kwazobuya uJohnson Ndlovu ngo1991 sakubona emaphepheni kwazobuya uDavid Masiyane wakukhuluma ngo1996 sathi sekusondele yiTuli Manyame leyo kwazothi uAbedinico Ncube ukufakile laye UEdson Gumbo 2015 wabuya lapha wathi sengikufakile nxa ngisithi ngiyakhangela umango summude akelisiyangise nxa kuyikuthi kuyala khonale libuye lisitshele sibone ukuthi seyinzeni.”

Olunye udaba obelumqoka kulumbuthano ngolomgwaqo osuka eGwanda usiya eMaphisa okubikwa utshengisa ukuthi wanindwa ithara lapho ukhangela imap yeZimbabwe kodwa lalamhlanje ugcwele amatshe.

USomabhizimusi waleli dolobho umnumzana Misheck Ndlovu uthi kusobala ukuthi imali yatshontshwa.

“Umgwaqo akhuluma ngawo oweMaphisa kade wapegwa ukuthi sowalungiswa usulethara imali yakhona yaphuma yaphelela emazinyweni amanye amadoda lakathesi lokhu kunjalo yayi kungasenani asingeke sikulandele vele ngibona engathi singabantu abaleculture engaqondanga nxa kusiza kulokhu ekudleni besiphikisa ukuthi asihlanga itshukela ikhanya igavile.”

Ezinye izakhiwo ezilokhu zingakapheli kulelidolobho zibalisa umthethwandaba weGwanda wona osuleminyaka efika phose emibili wama ukwakhiwa kanye lekolitshi leJoshua Mqabuko Nkomo Polytechnic

Esinye isakhamuzi, uMnu. Simbarashe Moyo, yena uthi ufuna isibhedlela seGwanda sithuthukiswe ngemali eyizigidi ezine zamadola i$4million.

“Mina ngifuna isibhedlela seGwanda sithole 4-6million imali le kumele irenovate isibhedlela likei laundry theatre maternity wards lepharmacy ngoba ngiyananzelela ukuthi iChitungwiza ilabantu abalutshwane kulabe Matabeleland South yanikwa i$800,000 iChipinge yanikezwa i$1,175 million but isibhedlela seGwanda asitholanga.”

UMnu. Bekezela Maduma Fuzwayo, ongunobhala jikelele wezakhamizi zeGwanda, usole kakhulu likomidi yezemali ebikhokhela ngutshalimani UMnumzana David Chapfika.

“Ikomidi le asiboni ukuthi isinceda ngani ikomidi le sile 10 years ibuya sikhuluma izinto ezifanayo kodwa akula okwenzakalayo … Kodwa kwezinye ndawo bayathola amapriorities thina silokhu sisalela emuva pho thina sisesengabantu yini kulenaleli ilizwe ngoba sesingama second citizens ukuthi ipriority zonke ziseMashonaland thina singelalutho eMatabeleland South yikho sifuna idevolution.”

Abanye bacele ukuthi likomidi icabange ngokusetshenziswa kwemali yakwele South Africa kuleli kwesulwe imali yohlobo lwamabond.

Facebook Forum

XS
SM
MD
LG