amalinks wokungena

Breaking News

Izakhamizi zeGwembe Zisungula Uhlelo Lokuziphilisa Olwe Qogelela


Impompi zokuthezelelezela

Izakhamizi zeGwembe esigabeni seBulilima ezansi yeMaNdebeleni sezisungule uhlelo lokusebenzela ndawonye kusenziwa imisebenzi engaziphathisa empilweni phansi kwesihloko esithi Qogelela bemanyene lenhlanganiso yeCommunity Foundation Western Region of Zimbabwe bejonge ukuthuthukisa izigaba lokuqeda ubuyanga.

Bekungabizwa ozwayo eGwembe ngesikhathi kusungulwa uhlelo lweQogelela lapho ezinye iziqinti ezilitshumi lasithupha esezingaphansi kohlelo lolu eBulilima leMangwe bexhase abanye babo emthimbeni wokusungula uhlelo lweQogelela.

OKhangele uhlelo lweQogelela eWestern Region Foundation of Zimbabwe, uMnunzana Mathamsanqa Moyo uchaze ukuba sebethuthukise izigaba ezinengi ezweni kodwa okuqakathekileyo yikuhlomisa izakhamizi ngamasu okuzithuthukisa.

“Ungananzelela imuli ezineni zilobuyanga kodwa zinahlomiswa ngamasu okuzithuthukisa udubo luyaphela njalo sesisebenze lezigaba ezinengi njalo sezithuthukile,” kutsho uMoyo.

UMNu. Saul Gwakuba Ndlovu ongene lumthimba wabelana labantu ngembali yomuntu encoma njalo uhlelo lweQogelela.

“Kuyinto emhe kakhulu ngabe iyenziwa kuzigaba zonke zelizwe ukuze abantu baphume ebuyangeni noba kungaya ngokuya bengazakhela izibhedlela lokunye abakudinayo,” kutsho uGwakuba Ndlovu.

Esinye njalo isakhamuzi esiphakathi kuloluhlelo, uSobhuku Edward Magutshwa uthi uhlelo lolu lusasungulwa lukhanya luzabaphathisa.

“Uhlelo lolu lukhanya luluhle thina silohlupho lwamanzi sesikhangelele ukuba lusingcede sakhe idamu kumbe ukugebha imigodi yamanzi,” kutsho uMgutshwa.

UNkosikazi Sikhangele Ndlovu okuBambanani Cluster uthi uhlelo lweQogelela seluthuthukise imuli yakhe.

Kutsho uNdlovu: “Sengisenelisa ukuthi nihlawulele inane zami imali yesikolo kanye lokuthena ukudla ngekhaya.”

Evumelala labanye, uNkosazana Sinanzeni Ndlovu, uSizanani Cluster uthi impilo isilula.

“Sesiphila ngcono uma ngiqathanisa lezolo njalo labantwabami abasaxotshwa esikolo senisenelisa lokubathengela usiba lamabhuku,” kutsho uNdlovu.

UNkosikazi Dorris Tshanule laye uvumelane loNkosikazi Ndlovu ethi laye usesenelisa ukufundisa abantwabakhe.

“Sesiphila ngcono njalo senisenelisa ukufundisa inane zami,” kutsho uTshanule.

UNkosikazi Luwiza Ncube uthi eGwembe lusaselutsha loluhlelo kodwa ngendlela abaqale nakhona balakho ukuzithuthukisa.

“Uhlelo lweQogelela luyaqala kithi eGwembe kodwa uma sibona lapho oluqale khona silokuthemba ukuba lathi sizathuthuka njengabanye,” kutsho uNcube.

UNduna Magutshwa ubonge izakhamizi nokusukumela phezulu ethi ubuyana esiabeni sakhe sukuzakuba yimbali loba uhlelo lweQogelela seludale umehluko omkhulu lapho olwaqala khona.

IWestern Reion foundation iphe iQogelela yeGwembe iUS$1 700 kwathi lamanye amacluster labo babapha imali ezehlukeneyo bathenisa lokudla kwesintu lokunathwayo nemizamo yokukhulisa isamba sabo.

Amanye amaqembu eQogelela aseqalile ukulima abanye ngabathenga bethengisa impahla ezehlukeneyo.

please wait

No media source currently available

0:00 0:04:27 0:00

Facebook Forum

XS
SM
MD
LG