amalinks wokungena

Izakhamizi zeInsiza Zitshiselwa Imizi


Ugogo Odilizelwe Umuzi eInsiza

Sokuqhamuke udlakela olunakanelwa ukuba lungabe lubangelwa yikuthi solusondele ukhetho lomnyaka ozayo lubangelwa yilabo asebekhankasela ukungena ezikhundleni. Inkokheli yebandla leZANU-PF eInsiza North icalwa ekukhokheleni ukutshisa imizi, ukutshaya abantu kunye lokuthumba impahla zabantu abaphansi kukaNduna Majaha Khumalo ngoba yena labanye bakhe bebikwa besekela ibandla leMDC.

Imizi itshisiye, ezinye izindlu zadilika kuthi lempahla zagecwa ngamahloka osekutshiye abantu bekhumbula izolo layo ebingamanga kuhle.

Umuzi owatshiswa eInsiza
Umuzi owatshiswa eInsiza

Umgcinisihlalo weZAPU, eZansi yeMaNdebeleni, uMnunzana Mathew Sibanda uthe ibandla elibusayo seliqalile ubutshapha balo ngoba sebekhangelane lokhetho lomnyaka ozayo.

UNina kaSobhuku uEarnest Nxumalo ka ward 24 odilizelwe umuzi impahla zahlahlelwa ngamahloka uNkosikazi Silela Nxumalo uthi abeZanu PF bathi abathokozi ngesikhundla esiphiwe indodana yakhe sobusobhuku nguNduna Majaha.

UMlisa kaWard 22, eNsango, uMnunzana Elexandra Mnyokeni, yena ke uthe okwenzakale eInsiza North yonke lakoNxumalo akukhulumeki njalo kaboni ukuthi amapholisa azakwenelisa ukuxazulula lolu daba.

Abantu bakaNduna uMajaha badla luklubhu eInsiza North, imizi edlula amakhulu amane idiliziwe eminye yatshiswa impahla bezithathela. Abantu bayatshaywa kodwa amapholisa awalanyathela abalithathayo. Imizi ephahle umgwaqo oya eHarare iyatshiswa kuthi abanini baxotshwa belengise izandla.

Facebook Forum

XS
SM
MD
LG