Izakhamizi zeMpopoma koBulawayo zingene ezithaladeni ngoMvulo, zitshengisela zisola osomabizimisi abalamavinkili kuleli dolobho abayala ukuthi bathenge ngemali yohlobo lwamaBond Notes.
Abahlali beMpompoma baphume ngobunengi bafola beqonde emavinkilini akoMahomva, bethwele ama amabhakane abebhalwe okutshiyeneyo okugoqela, "Bond notes are legal tender/ amaBond note yimali esemthethweni, "Our salaries are in bond/ RTGS/Iholo lethu silithola ngebond lamaRTGS" lokunye.
Abatshengiseleyo laba inengi labo kungabesifazana bebelinani eledlula amatshumi ayisikhombisa beyizakhamizi ezivele zithenga kulezi zitolo.
Kodwa omunye wabanikazi balawo mavinkili uMnu Gandiwa, owe Flytek Investments, uthi bayezwa izikhalazo zezakhamizi njalo kwelabo ivinkili kabayaleli abantu ukuthenga ngeBond Note.