Izakhamizi zesigaba seMandebeleni ziyakhala ngesilinganiso semali eliyabelwe ukuze leso sigaba silungisise imigwaqo kuluhlu lwendleko zemali kahulumende olwethulwe ngumphathintambo wezemali, uMnu. Tendai Biti.
Lanxa imali yokulungisisa imigwaqo ivela kumithelo yama tollgates isigaba sonke seMatabeleland siphiwe imali engafiki ingxenye yesigidi samadollar eMelika kodwa ezinye izindawo ezifana lakosvimba lapho okudabuka khona uMongameli Robert Mugabe ziphiwe imali eyedlula izigidi ezimbili zamadollar eMelika.
Ingcwethi kwezokwethulwa kwembiko njalo edabuka esigabeni seMandebeleni, uMnu. Zenzele Ndebele utshele uChris Gande weStudio 7 ukuthi izakhamizi zalumango zidanile kakhulu ngalesi sehlakalo.