Ibandla leZanu PF lithi seliqalisise ukucwayisisa kabanzi imbiko ekhitshwe likhaya lebulenjini ele WikiLeaks ekhomba ukuba kulamalunga alelibandla ayekhulumisana leziphathamandla zeMelika esola uMongameli Mugabe.
Amalunga eZanu PF la, agoqela uMnu Sikhanyiso Ndlovu, yena owayesipha iziphathamandla zeMelika amacebo okuthi kuyini okungenziwa ukuthi uMugabe asuswe embusweni.
Amanye amalunga alelibandla abikwa ayenyeya uMugabe agoqela uMnu Savior Kasukuwere, umuyi uMnu Edison Zvobho losibalukhulu webhanga lelizwe uMnu Gideon Gono.
Ekhuluma lomsakazo weZBC ngoLwesithathu isikhulumeli seZanu PF uMnu Rugare Gumbo uthe okwenziwe ngamalunga lawa kuyayangisa, ngakho kumele aqalise ukuzinuka amakhwapha.
UGumbo wengeze wathi ibandla lakhe liphakathi kokucwayisisa ngaloludaba.
Ingcwethi ecubungula ezombusazwe uMnu Brilliant Mhlanga utshele uNtungamili Nkomo weStudio 7 ukuthi kaboni lelibandla libajezisa labo ababenyeya uMugabe.
