amalinks wokungena

Breaking News

IZanu PF Ixwayisa iMelika Ukuthi Ingasekeli Inhlanganiso Ezizimeleyo


Umgcinisihlalo weZanu PF uMnu Simon Khaya Moyo seyethese amazwe angentshonalanga umlandu wokusebenzisa inhlangansiso ezizimeleyo ukuphazamisa imisebenzi kahulumende.

Ukhaya Moyo utshele ummeli weMelika eZimbabwe uMnu Bruce Wharton lommeli weSwitzerland uMnu Luciano Lavazarri emhlanganweni abawenze ngoLwesibili ukuthi ibandla lakhe liphatheke kubi ngokungenela kwamazwe abo kundaba zeZimbabwe.

Uxwayise njalo amazwe angentshonalanga ukuthi engaze angenela kudaba lokhetho kanye lolweReferendum yesisekelo sombuso esitsha.

Kodwa uMnu Wharton utshele uMoyo ukuthi ibandla lakhe akumelanga likhangele inhlanganiso ezizimeleyo njengezitha, kodwa njengabangane abenza umsebenzi obalulekileyo.

Amazwi Khaya aza ngesikhathi inhlanganiso ezizimeleyo zithwaliswe amagabha avuzayo ngamapholisa esetheswa amacala atshiyeneyo.

Kumaviki edluleyo amapholisa abophe amalunga enhlanganiso yeZimRights njalo ngoMvulo angene ngodlame emawofisini eZimbabwe Peace Project.

Umqondisi weinye yenhlanganiso ezizimeleyo eye Habakkuk Trust uMnu Dumisani Nkomo usole kakhulu amazwi kaMoyo.

please wait

No media source currently available

0:00 0:02:11 0:00
Lapho esitholakala khona
XS
SM
MD
LG