amalinks wokungena

Breaking News

IZEC Ithi Ayilamali Yokuqhuba Ukhetho


Ikomishini ebona ngokuqhutshwa kokhetho elizweni ithi kudingakala izigidi ezilikhulu lathobaminwe mibili, $118 million yokuqhuba inhlelo zayo kanye levoti ye referendum phezu kwesisekelo sombuso esitsha.

Osaphethe isikhundla somgcinisihlalo weZimbabwe Electoral Commission, uNkosikazi Joyce Kazembe uveze ngolweSine ukuba ikomoshini le ithwele gadalala ngokusilela kwemali.

UNkosikazi Kazembe wethule amazwi la emkhosini wokwamukela izimota kanye lama computer okunikezwe iZEC yiEuropean Union isebenzelana leUnited Nations Development Program.

Uhulumende yena uthi kalayo imali yokunikeza iZEC.

Isikhulumeli seMDC ekhohelwa nguMnu Welshman Ncube uMnu Nhlanhla Dube uthi bayajabula ngoncedo iZEC elutholileyo, esithi uhulumende kumele edingele likomishini imali yokulungiselela ireferendum lokhetho ngemfanelo.

Okuhambelana lalokhu

XS
SM
MD
LG