Ikhomithi ebona ngezemidlalo eye Zimbabwe Football Association (ZIFA) Referees Committee isibeke eceleni isinqumo sikanompembe oxotshe umgadli weDynamos, uJoel Eupopa Ntoupa, emdlalweni weqembu leli leHighlanders.
Umbiko owethulwe ebulenjini beInternet kukhasi leZimbabwe Football Association ukubeke sobala ukuthi ukuxotshwa kuka Eupopa bekungaqondanga ngakho isinqumo sikanompembe uArnold Ncube sesibekwe eceleni.
Lokhu kwethulwe ngumgcinisihlalo weZIFA, uPhillipha Chiyangwa, embikweni lo owethulwe ekhasini leZIFA.
UChiyangwa uthi ikhomithi le ithethe isinqumo kulandela ukukhulumisana lamalunga eZIFA Referees Committee labanye abathanda umdlalo wenguqu.
Ugadli uEupopa ungqikile umvimbi weHighlanders, uPeter Muduhwa, sokusele isikhatshana ukuthi uphele umdlalo weBosso le Dembare eRufaro Stadium ngeSonto.
Kasenelisanga ukukhuluma lo Chiyangwa ngodaba lolu.