amalinks wokungena

Breaking News

Izigulane Zibuyela Emakhaya Zingeletshwanga Ezibhedlela


FILE: Odokotela abakhalala umsebenzi ...

Odokotela bafikise usuku lwesibili ngoLwesine bekhalala umsebenzi ezibhedlela zikahulumende ezigoqela iMpilo, Parirenyatwa, Bulawayo Central, Harare Hospital lezinye.

Ezinye izigulane bezibuyiselwa emakhaya zingabonanga odokotela kuthi abanye bebehlolwa ngabongi, abagula kakhulu behlolwa ngodokotela asebehlale emsebenzini okwesikhathi eside.

Odokotela besibhedlela sabantwana bakhona emsebenzini. Odokotela abakhalale umsebenzi yilabo abasanda kugqiba izifundo abesezibhedlela zikahulumende.

UDokotela omkhulu esibhedlela seMpilo Central, uDr Solwayo Ngwenya, uthi bamelele ukuthi baphenduke odokotela abakhalale umsebenzi.

Odokotela bathi bazamile ukukhulumisana lohulumende ngokuba akhuphule iholo labo kodwa akabalaleli ngakho bazaphenduka emsebenzini bengabhadalwa imali abayicelayo njalo ihambelane lesimo somnotho elizweni kusetshenziswa isisindo semali yesilinganiso samabhanga yokuthenga imali yakwamanye amazwe.

Udaba Esilethulelwe NguAnnastacia Ndlovu
please wait

No media source currently available

0:00 0:03:12 0:00

Kusenjalo, ukuthonisiswa kwecala kwamalunga amahlanu ebandla leMthwakazi Republic Party, abotshwe ngeviki edluleyo behlabela phandle kwedale leHigh Court belinde ukukhululwa kwenduna uFelix uNhlanhlayamangwe Ndiweni, kuqalile ngoLwesine eTredgold Magistrate Court lapho uMansthi, uNkosikazi Adelaide Mbeure, adlulisele kuLwesihlanu kuyonale iviki ukuthoniswa kwalelicala.

Igqwetha elimele amalunga amahlanu eMRP, uMnu. Dumisani Dube weMathonsi Ncube Law Chambers, uthi idale lidlulisele icala leli phambili ngoba lithe lilamacala amanengi elifuna ukuwathetha.

Ababotshwayo nguPatrone Xaba (43), uAkim Ndebele (32), Prince Ncube (28), Ndabezinhle Ncube (38) loMongameli Mlotshwa (38) ababhekane lecala lokuhlabela okuthiwa kwakulakho ukumemethekisa udlakela.

Facebook Forum

XS
SM
MD
LG