CHITUNGWIZA —
Ele Zimbabwe limanyene lenhlanganiso yomanyano wamazwe womhlaba eye United Nations, ekuthakazaleleni ukufikisa kwayo iminyaka phose engamatshumi ayisikhombisa -68 yabunjwayo kule nkuthazo yokuqinisa ukusebenzelana kwengatsha zonke zempilo ekwehliseni udubo lokulahlakelwa ngumpefumulo kwabomama lapho bebeletha.
Ekhuluma emkhosini owenzelwe esibhedlela se Chitungwiza General Hospital lamuhla, umphathintambo wezempilakahle umnumzana David Parirenyatwa ugcizelele ukuzinikela kukahulumende ekuqedeni indubo ezibhekane lomsebenzi wempilakahle kusetshenziswa ingatsha zonke zempilo ezigoqela imbuso yezabelo, abezinkonzo, inkokheli yendulo kanye lenhlanganiso ezizimeleyo ngenjongo yokwehlisa inani labesifazane abalahlekelwa yimpilo ngesikhathi bebeletha.
Ummeli we UN kuleli, umnumzana Allain Noudehou utshele emkhosini munye ukuba lukhulu udubo lwabomama abalahlekelwa yimpilo ngesikhathi bebeletha emhlabeni wonke jikelele wathi lokhu yikho okukhokhela ekubangeleni ukulahlekelwa yimpilo lobugoga kwabesifazane.
Okhokhela inhlanganiso elwela ilungelo labesifazane eye Women Action Group,unkosikazi Edna Masiiwa ukhuthaza uhulumende ukuba ethule umthetho ophezu kwenhlawulo kamama ngesikhathi ezithwele,ikakhulu emadolobheni,ethi ngokunye okungumgoqo kowesifazane.
U Massiwa uthi lokhu yikho okubangela ukuba umama aphethe engasayanga dinga usizo ezibhedlela lanxa uhulumende ekubeka sobala ukuba akumelanga ahlawuliswe lapho sesiyabeletha.
Unduna Nyamukowo obekulomkhosi laye,utthi sekumele uzulu wezigabeni afundiswe phezu kwemigoqo ekhona emphakathini ebangela ukuba uzulu ehluleke ukudinga usizo ezibhedlela ethi imithetho yesintu ivele iqakathekisa impilo yomuntu.
Lanxa umhlaba wonke ezimisele ukuthuthukisa impilakahle kamama ngesikhathi ezithwele,ebeletha lalapho esebelethile ngaphansi kwezinqumo zamaMilleniuma Development Goals, abe UN baveza ukuba lokhe liqansa inani labomama abalahlekelwa yimpilo ngesikhathi bebeletha emazweni amanengi womhlaba.
Babikwa befika phose inkulungwane phakathi kwabazinkulungwanbe ezilikhulu e Zimbabwe omama abalahlekelwa yimpilo ngesikhathi bebeletha okulinani elibikwa liqonge kakhulu umhlaba wonke jikelele njalo lingeliphindwe kathathu esigabeni samazwe angezansi kwezwekazi leAfrica.
Lumkhosi wokunanza i-UN Day owenziwa mhla ka 24 Mfumfu, emazweni womhlaba, eZimbabwe wenziwe lamuhla, phansi kwesihloko esithi ‘ For Safer Motherwood in Zimbabwe.
Ekhuluma emkhosini owenzelwe esibhedlela se Chitungwiza General Hospital lamuhla, umphathintambo wezempilakahle umnumzana David Parirenyatwa ugcizelele ukuzinikela kukahulumende ekuqedeni indubo ezibhekane lomsebenzi wempilakahle kusetshenziswa ingatsha zonke zempilo ezigoqela imbuso yezabelo, abezinkonzo, inkokheli yendulo kanye lenhlanganiso ezizimeleyo ngenjongo yokwehlisa inani labesifazane abalahlekelwa yimpilo ngesikhathi bebeletha.
Ummeli we UN kuleli, umnumzana Allain Noudehou utshele emkhosini munye ukuba lukhulu udubo lwabomama abalahlekelwa yimpilo ngesikhathi bebeletha emhlabeni wonke jikelele wathi lokhu yikho okukhokhela ekubangeleni ukulahlekelwa yimpilo lobugoga kwabesifazane.
Okhokhela inhlanganiso elwela ilungelo labesifazane eye Women Action Group,unkosikazi Edna Masiiwa ukhuthaza uhulumende ukuba ethule umthetho ophezu kwenhlawulo kamama ngesikhathi ezithwele,ikakhulu emadolobheni,ethi ngokunye okungumgoqo kowesifazane.
U Massiwa uthi lokhu yikho okubangela ukuba umama aphethe engasayanga dinga usizo ezibhedlela lanxa uhulumende ekubeka sobala ukuba akumelanga ahlawuliswe lapho sesiyabeletha.
Unduna Nyamukowo obekulomkhosi laye,utthi sekumele uzulu wezigabeni afundiswe phezu kwemigoqo ekhona emphakathini ebangela ukuba uzulu ehluleke ukudinga usizo ezibhedlela ethi imithetho yesintu ivele iqakathekisa impilo yomuntu.
Lanxa umhlaba wonke ezimisele ukuthuthukisa impilakahle kamama ngesikhathi ezithwele,ebeletha lalapho esebelethile ngaphansi kwezinqumo zamaMilleniuma Development Goals, abe UN baveza ukuba lokhe liqansa inani labomama abalahlekelwa yimpilo ngesikhathi bebeletha emazweni amanengi womhlaba.
Babikwa befika phose inkulungwane phakathi kwabazinkulungwanbe ezilikhulu e Zimbabwe omama abalahlekelwa yimpilo ngesikhathi bebeletha okulinani elibikwa liqonge kakhulu umhlaba wonke jikelele njalo lingeliphindwe kathathu esigabeni samazwe angezansi kwezwekazi leAfrica.
Lumkhosi wokunanza i-UN Day owenziwa mhla ka 24 Mfumfu, emazweni womhlaba, eZimbabwe wenziwe lamuhla, phansi kwesihloko esithi ‘ For Safer Motherwood in Zimbabwe.