amalinks wokungena

Breaking News

Izisebenzi zeGreenfuels Ebezikhalala Umsebenzi Zibuyela Emsebenzini


Abatshayeli benkampani elungisa umhluzu odibaniswa lamafutha ephethulo owe ethanol eye Greenfuels ese Chipinge South esigabeni seManicaland abakade bekhalala umsebenzi behonona ngeholo eliphansi abalitholayo babikwa sebebuyele emsebenzini.

Izisebenzi zeGreenfuels bezikhala ngokuthi iziphathamandla zale inkampani bezisehluleka ukuziholisa ngesikhathi njalo zifuna lokuthi iholo lankona lengezelelwe.

Owazi ngokwenzakala kule inkampani utshele umsakazo weStudio 7 ukuthi izisebenzi lezi zicine zincengwa ukuthi ziphindele emsebenzini udaba lweholo lazo kanye lezinye izikhalazo kusakhangelisiswa kudingwa indlela zokuzlungisisa. Izisebenzi lezi besezilensuku ezimbili zingayi emsebenzini.

Omunye walaba batshayeli ongathanda ukuvezwa igama esesabela ukuba angacina exotshwa umsebenzi uthi amapholisa aze abizwa izolo ukuthi ababambe ngamandla ukuphindela emsebenzini ngoba belakho ukubotshwa bavalelwe nxa bengabuyelanga. Lokhu akuzange kwabethusa bazihlalela ngekhaya baze benza okokuncengwa namhlanje ngezithembiso zeziphathamandla zenkampani.

Unkosazana Lilian Muungani, obona ngokwethulwa kwembiko kunkampani ye Greenfuels akathanda ukukhuluma ngalolu daba lentathelizindaba esithi uzaqala ahlolisise lolu daba axoxisane lezisebenzi kanye lenkokheli yenkampani andubana akhulume lentathelizindaba.
XS
SM
MD
LG