Abenhlanganiso emela izisebenzi zamabhanga eye Zimbabwe Banks and Allied Workers Union – ZIBAWU bamanyane lezisebenzi zebhanga le Standard Chartered Bank Zimbabwe bafola ezitaladeni ukusa incwadi yezikhalazo eziphathelane lomsebenzi emahofisini wommeli weBhilitane eZimbabwe.
Ngenye yengoma leyo ebezihlatshelwa ngamalunga eZIBAWU ngesikhathi kusethulwa incwadi yezikhalazo kummeli wakwele Bhilitane.
Okumangalise abanengi yikuthi abazange baphazanyiswe laba bantu ngesikhathi betshengisela behlabela begiya phambi kwamapholisa abekade esedlula kancinyane itshumi engahlomanga njengalokho okwandise ukwenzakala.
Umkhokheli we ZIBAWU, uMnu. Farai Katsande utshele lumbuthano ukuba bakubone kufanele bazekhalaza emahofisini kammeli wakwele Bhilitani ngemva kokunanzelela ukuba inkokheli yalelibhanga iyaqholoza njalo izisebenzi ziphathwa okobugqili.
Unobhala jikelele enhlanganisweni ye ZIBAWU le, uMnu. Peter Mutasa usole kakhulu indlela esisetshenziswa ngabe bhanga leli ukubalekisa imali isiya ngaphandle, kucatshwa ngokuthi ngeyendleko ezibangelwe yimisebenzi esisenziwa e Kenya lase India ngoba kuthiwa eleZimbabwe lingangenisi mali ezwayo.
Umsekeli womkhokheli kulenhlanganiso ye ZIBAWU, umnumzana Afregnate Goto, uthi bakubone kufanele baze emahofisini kammeli ukuzakhalaza phezu kokwenza kwebhanga lakulelo lizwe.
UGoto uthi bakhathazekile kakhulu ngendlela abe Standard Chartered Bank beqhuba ngayo imisebenzi yabo,ukuyisa emazweni abalisa ele Kenya le India.
Amalunga ezinye inhlanganiso zamUnion ezisebenzi ezingaphansi kwe Zimbabwe Congress of Trade Unions – ZCTU eye Zimbabwe Chamber of Informal Associations – ZICHIA lawo abekhona.
Obona ngezokuqoqwa kwenhlelo kulenhlanganiso ye ZICHIA ( National Organiser ),unkosazana Maria Masango,uthi uphatheke kubi ngendlela abebhanga le Standard Chartered Bank baziphatha ngayo kuleli.
Ukhala ngendlela izisebenzi ziphazanyaswa ngayo kulelibhanga unkosazana Masango.
Kungakho abasebenza kuleli bhanga befuna abehofisi kammeli,balikhuze kundlela seliqhuba ngalo,basebenze ngendlela ehambelana lemithetho yeZimbabwe.
Okumangalise abanengi yikuthi abazange baphazanyiswe laba bantu ngesikhathi betshengisela behlabela begiya phambi kwamapholisa abekade esedlula kancinyane itshumi engahlomanga njengalokho okwandise ukwenzakala.