WASHINGTON DC —
Izisebenzi zikahulumende ngoLwesithathu ziyale ukwamukela izitanda njengendlela yokuzibhadala amabonus azo anyakenye zisithi zifuna ukuhlawulwa ngemali.
Isinqumo lesi siphume emhlanganweni phakathi kwezisebenzi labaphathintambo bakahulumende abagoqela obona ngezemali uMnu Patrick Chinamasa lobona ngezezisebenzi zikahulumende uNkosikazi Prisca Mupfumira.
UChinamasa labanye bakhe batshele abameli bezisebenzi ukuthi uhulumende kalamali; ngakho sedinga ukubahlawula ngezitanda zokwakhela izindlu.
Isiphathamandla senhlanganiso yababalisi iZimta uMnu Sifiso Ndlovu utshele iStudio 7 ukuthi bayale njalo ukwamukela ezinye indlela ezitshiyeneyo uhulumende ekade ezama ukubabhadala ngazo.