amalinks wokungena

Breaking News

Izisebenzi Zikahulumende Zikhuthazwa Ukubambana Lezinye Ekwethuleni Izikhalazo


Izisebenzi zikahulumende zikhuthazwa ukumanyana labanye nxa kukhalazwa ngezomnotho, zikhangele isimo ngalihlo linye hatshi ngoba kuyabe sokuyizo ezisenkingeni. Zikhuthazwa njalo ukuthi zikhulume ngalizwi linye njenge zisebenzi zonke zelizweni zimtshengise uhulumende lozulu, ukuqakatheka hatshi okwazo kuphela kodwa kwezisebenzi zonke elizweni ekuthuthukiseni inotho yelizwe.

Lokhu kwethulwe zingcwethi ezicubungula ezombusazwe emhlanganweni owenzelwe eMedia Centre NgoLwesibili ekuseni, wokuhlaziya ukugwenxana kwenkokheli kunkulumo ephathelene lendaba zemali zamaBonus okumele zitholwe yizisebenzi zikahulumende.

Lezingcwethi, zithi udaba lwamabonus ayisilo olumqoka. Inkinga yikuthi uhulumende kamongameli Robert Mugabe uzama ngayo yonke indlela ukujabulisa inhlanganiso ezinjenge International Monetary Fund le World Bank.

Lezi nhlanganiso zabeka imigoqo okumele ilandelwe nguhulumende ukuthuthukisa umnotho welizwe anduba zinike ilizwe imali yezikwelede kutsho uZhangazha. Lokhu ngokubalisa ukwehlisa indleko kahulumende ikakhulu ekuhlawuleni iholo lezisebenzi okuyikho okubikwa kwenze umphathintambo wezemali umnumzana Patrick Chinamasa, athi uhulumende uzake ame ukupha izisebenzi imali zamabonus.

Uhulumende ubikwa edinga ukujabulisa abamnika imali yezezikwelede okwamanje, ngokwenza izifiso zabo.

Lamazwe ngabalisa ele China lele Russia, okwenza umongameli Robert Mugabe ethule umbiko ophambana lalowo owethulwa ngumphathintambo wezemali uChinamasa.

Inkokheli yenhlanganiso yababalisi bemaphandleni eye Rural Teachers Union of Zimbabwe, itshele lumhlangano ukuba kumele atshiye umsebenzi uChinamasa ngoba ehlulekile. Lezikwelede zelizwe zimele zihluzisiswe ukuba zasebenza misebenzi bani esiza uzulu weZimbabwe.

Abenhlanganiso ye Zimbabwe Young Women Network for Peace, bona bathi inkinga yikuba uhulumende akasazihluphi ukulalela akucetshiswa nguzulu.

Lumbono usekelwe ngomunye obekulomhlangano, umnumzana Pride Mukono. Uthi okudanisayo ngohulumende weZimbabwe yikuba ayikho inkokheli uqobo elalela imbono kazulu.

Ingcwethi ezinengi kulumhlangano zisole inyathelo likahulumende, ngokungazwakali ukuthi umi ngaphi ngodaba lweholo lezisebenzi lamabonus, zisithi kunengi okungenziwa ukuthuthukisa umnotho welizwe.

Zavumelana njalo ukuba kasikho isizatho sokulungisisa umnotho kukhangelwa izisebenzi zikahulumende kuphela kodwa kukhangelwe inhlangothi zonke.

XS
SM
MD
LG