amalinks wokungena

Breaking News

Abasebenza eGoli Balethemba Lokuthi Kuzaguquka Okunengi eZimbabwe


Abanye abahlala kwele South Africa bakhuleka bengakasuki eZimbabwe.

Izizalwane zeZimbabwe ezisebenzela kwele South Africa ebezethekelele ekhaya ngekhefu leKhisimusi eseziphindela eGoli zithi zibone inguquko eZimbabwe, ikakhulu emigwaqweni lapho amapholisa abethwalisa nzima izihambi.

Inengi lithi lilethemba ngelakusasa yeZimbabwe nxa uMongameli Emmerson Mnangagwa engagcwalisa izithembiso zakhe.

Umgwaqo omkhulu osuka koBulawayo usiya eBeitbridge usuphithizela ngezimota ngoba inengi lezizalwane zeZimbabwe elisebenzela kwele South Africa ezibizwa ngokuthi zinjiva seziphindela eMzansi ukuyasebenza.

Sebebuyele eGoli abasebenza kwele South Africa.
Sebebuyele eGoli abasebenza kwele South Africa.

Inengi labo ebelisedlula edolobheni leGwanda esabelweni seMatabeleland South liveze ukujabula okukhulu ngokuba sekhaya ngesikhathi seKhisimusi besithi okubajabulise kakhulu yikungahlukuluzwa ngamapholisa emigwaqweni wona asesaziwa ngokufumbathisa uzulu.

UMnu. Collins Phiri uthi abazange bahlukuluzwa ngamapholisa avimba emigwaqweni abehlezi efuna ukufumbathiswa sikhathi sonke njengalokhu obekuvamile eminyakeni eyedlulileyo.

Omunye walabo abajabulele ukutshayela emigwaqweni nguMnumzana Simbarashe Nembawari yena othi ubugwelegwele buzamele buphele nxa ilizwe leZimbabwe lizathuthuka.

Sezitshaya phansi imota eziya eGoli
Sezitshaya phansi imota eziya eGoli

UNkosazana Gugulethu Taira Ndlovu uthi yena labanye abaseGoli bazimisele ukuphenduka ekhaya nxa kungavulwa amathuba emisebenzi kuleli ngoba besuke kuleli ngenxa yokubhidlika komnotho.

UMnu. Shalom laye uveze imbono yakhe ngalokhu akubonileyo lapho eseZimbabwe.

Kucatshangelwa ukuthi zidlula izigidi ezintathu izalwane zeZimbabwe ezaphephela kwele South Africa ukuyadinga impilo engcono kulandela ukubhidlika komnotho lokwephulwa kwamalungelo oluntu phansi kombuso kowayengumongameli uMnu. Robert Mugabe.

Facebook Forum

XS
SM
MD
LG