amalinks wokungena

Izizalwane zeSouth Africa Zivikela Abantu Bokuza

  • Bennedict Nhlapho

Bekugcwele abantu abavela kunhlanganiso ezitshiyeneyo akade betshengisela bechothoza labo abakhahlameza abantu bokuza.

Kulandela izehlakalo ezinengi zokuhlaselwa kwabakwamanye amazwe kweleSouth Africa, izizalwane zakweleSouth Africa lezakwamanye amazwe lamhlanje zitshengisele ezitaladeni zeGoli zisithi kufanele luphele du,udlakela lokuhlaselwa kwalabo abavela kwamanye amazwe.

Ixuku lezizalwane zeZimbabwe ezigoqela amalunga amabandla ezombusazwe aweZapu, awe MDC, lenhlanganiso ezilwela amalungelo kazulu labo kade beyingxenye yamakhulu abatshengisele eJohannesburg.

Abakwamanye amazwe lezizalwane zakwele South Africa bebebambene izandla ngesikhathi befolile ezitaladeni besithi phansi ngexenophobia.

Ngo 2008, kwaqhamuka ukuhlasela kwabokuza kwele South Africa kwafa abantu abedlula amatshumi ayisithupha. Ibuye yaqhamuka njalo ngo 2015 kwafa abayisithupha. Lonyaka-ke ibuye yabakhona kwabhidlizwa impahla yabakwamanye amazwe ebiza izinkulungwane zamadola.

Abatshengisele ngoLwesibili bakubeke kwacaca ukuthi lo ngumkhuba okungeke usavunyelwa ukuqhubekela phambili.

Uzulu uthi akumelanga kukhahlanyezwe abantu bokuza kwele South Africa.
Uzulu uthi akumelanga kukhahlanyezwe abantu bokuza kwele South Africa.

Ilunga lentsha yebandla leZapu, uMnu. Dumisani Nleya, ngomunye wabatshengiseleyo. Uthe ukutshaywa kwabakwamanye amazwe eSouth Africa ngumkhuba omubi ongafunekiyo eAfrica.

“AboMandela, laboNkomo labo Nkwame NKruma babethi bayakhulula iAfrica ukuze bonke abantu abahlala kuleli zwekazi bakhululeke basebenze bonke balithuthukise bebambisana.”

Umgcinisihlalo weZimbabwe Community in South Africa, uMnu. Ngqabutho Mabhena, ngomunye wabaqoqe ukutshengisela lokhu.

Yena-ke uthi kuqakathekile ukuthi izizalwane zeSouth Africa zikubambisise ukuthi akusibo bonke abakwamanye amazwe abadala amacala.

Kade kugcwwele labantu bokuza.
Kade kugcwwele labantu bokuza.

“Bakhona amaSouth Africans abagangayo. Bakhona abakwamanye amazwe abagangayo. Yikho sisithi amapholisa kumele enze umsebenzi wawo. Kodwa kungatshiwo ukuthi abantu abagangayo angabantu abavela kwamanye amazwe.’

Abakwamanye amazwe akade beyingxenye yokutshengisela lokhu bagoqela abeSomalia, Nigeria, DRC, Ivory Cost, Pakistan, Ethiopia lamanye amazwe atshiyeneyo.

Izizalwane zakwele South Africa lazo beziphume ngobunengi.

UMnu. Nkosana Mabhena, ngomunye wabakwele South Africa akade besithi abemukelwe ngezandla zombili abakwamanye amazwe.

“Viva Zimbabwean community viva. Viva Somalis community viva. Viva Arab community viva. Viva African Diaspora viva.”

Uhulumende weSouth Africa yena uthumele umkhokheli kahulumende weSabelo seGauteng, uMnu. David Makhura, otshele abakade betshengisela laba ukuthi uhulumende akafuni kuyibona ixenophobia.

Inengi labadabuka kwamanye amazwe okugoqela abeZimbabwe labenhlanganiso ezilwela amalungelo eziphepheli, basola kakhulu uMeya wedolobho leJohannesburg umnumnzana Herman Mashaba, besithi uhleli ekubeka obala ukuthi akabathandi abakwamanye amazwe ngaleyo etshotshozela izizalwane zelizwe lakhe ukuqondisa udlakela kwabokuza.

Izizalwane zakweleDRC lezakweleNigeria bezize lengungu yazo yokuthula, ekhange abanengi ekutshengiseleni lokhu.

Facebook Forum

XS
SM
MD
LG