Izizalwane zeZimbabwe ezivela emabandleni ezombusazwe atshiyeneyo kanye lezakwele South Africa ezigoqela iziphathamandla zenhlanganiso yomanyano wezisebenzi kwele Aouth Africa eye Congress of South African Trade Unions, zibuthene eJohannesburg enkonzweni yesikhumbuso sikamuyi uMnu Gibson Sibanda bamchaza njengeqhawe eliphambili kwabo bonke abangcwatshwe endaweni yamaqhawe esizwe eZimbabwe.
“Liqhawe lamaqhawe elingadingi mvumo yamuntu ukukutsho lokho.” La ngamazwi abephuma kuzo zonke izikhulumi ebezisenkozweni yesikhumbuzo sikamuyi uMnumnzana Gibson Sibanda obeyisiphathamandla kugatsha lwezoxolelwano esenzelwe enkonzweni yeJohannesburg Central Methodist Church.
