amalinks wokungena

Breaking News

ZLHR: Ijele leHarare Central Police Kalilungelanga Uzulu


Zimbabwe High Court Rejects FM Biti's Appeal Against Phone Records Release
Abenhlanganiso yamagqwetha alwela ilungelo loluntu abe Zimbabwe Lawyers for Human Rights, bathi inkamba ye Harare Central Police Station kayilungelanga ukuvalela izibotshwa eziphila legciwane. Lokhu kuphume ekuthethweni kodaba abalukhweze emthethwandaba waphezulu weSupreme Court.

Lokhu kuza ngemva kokukhalaza kukaMnumzana Douglas Muzanenhamo phezu kwesiphatho esibi athi siphazamisa impilakahle yabaphila legciwane kulenkamba,obotshwe ngomnyaka ka 2011 esetheswa icala lokufuna ukugenqula uhulumende.

Amagwetha amela uMuzanenhamo athi base loludaba edale le Supreme Court ngenjongo yokuba luzwiwe ngomahluli abayisitshiyagalolunye anduba baphe isinqumo sabo.

Bathi bakubone kufanele ukuyaluchaya kulelidale laphezulu lanxa lungazange luqale lwadlula edale le High Court njengalokho okutshiwo ngamagqwetha kahulumende.

Ukwalelwa kuka Muzanenhamo ithuba lokukhulumisana lezihlobo ngoba ethathelwe umakhalekhukhwini wakhe ngaleso sikhathi, ukuhlaliswa yedwa kanye lokuphiwa ukudla obekungahambelani laye kungokunye okuphazamise impilakahle yakhe kwabangela njalo ukwehla kwamasotsha emzimbeni wakhe.

Kodwa umtshutshisi, uthi uhulumende uyasiphikisa lesi sicelo sngoba ethi kasikho isidingo sokuba luhluzwe kulelidale le Supreme Court.

Abatshutshisi bathi ngabe idale iyalulahlela katshana loludaba ngoba ethi lamaqgwetha amela uMuzanenhamo, ephosisile ngokuqala ukuyalungenisa edale laphezulu le Supreme Court loludaba lungazange luqale lwadlula ngasedale le High Court.

Omahluli beSupreme Court bona bathi bazakwethula isinqumo kulolu daba kwelakusasa kodwa bengalibethanga lelo langa.

please wait

No media source currently available

0:00 0:05:21 0:00
Lapho esitholakala khona
XS
SM
MD
LG