amalinks wokungena

Breaking News

Izodlalwa Njani imidlalo ye-Premiser Soccer League Ngempelaviki?


Tsholotsho FC

Imidlalo iqala ngoMgqibelo lapho iqembu eliqhuba nzima kulezinsuku ele Highlanders elizavakatshela khona eMhondoro ukuyadlala leqembu le Ngezi Platinum Stars. njalo limidlalo ingena kuviki lesimatshumi amabili lantathu-23rd.

Iqembu le Bosso liya kumdlalo wakusasa lisanda kunqotshwa liqembu elihlezi emsileni wengalane ele Tsholotsho kodwa umqeqetshi walo uErol Akbay uthi ukudliwa liqembu elidonsa nzima kulakho ukupha abafana bakhe amadlabuzane okuba bedlale kuhle lele Ngezi lona elihlezi endaweni yesibili engalaneni yemiklomelo.

Kweminye imidlalo ekhona ngoMgqibelo, iqembu le FC Platinum lizemukela ele Black Rhinos ngase Mandava, ele Chapungu lizadlala lele CAPS United ngase Ascot, ele ZPC Kariba lizangqikilana lele Harare City ngase Nyamhunga kuthi iqembu le Chicken Inn lizadlala lele Hwange enkundleni ye Barbourfields.

NgeSonto iqembu le Dynamos lona elibhaxabule ele How Mine nge 6 ka nya ngoLwesine lizadibana lele Yadah enkundleni ye Rufaro Stadium njalo leliqembu lisesimeni esihle esokuba lingahluthuna ubukhokheli bengalane yemiklomelo njengoba litshiywa ngemiklomelo emithathu liqembu elihlezi phezulu ele Chicken Inn kodwa lona liphethe imidlalo emibili esandleni okusamele liyidlale ukuze lilingane lamanye amaqembu.

Umqeqetshi weqembu le DeMbare uLloyd Mutasa utshele intathelizindaba zemidlalo ngemva kokunqoba kwabo ngoLwesine wathi kuqakathekile ukuba benqobe njalo bedlala besekhaya labo.

"Sikhona lathi kumqhudelwano wokuphakamisa inkezo ngemva kokunqoba kwethu, njalo nxa singenelisa ukunqoba nxa sidlala singekhaya kungaba sezandleni zethu ukuphakamisa isicoco."

Kweminye imidlalo ezadlalwa ngeSonto iqembu Triangle lizemukela ele Bulawayo City eGibbo, ele Tsholotsho lizadlala lele Shabanie Mine ngase Dulivhadzimo kuthi ele Bantu Rovers okuyilo elijeke amanye engalaneni yemiklomelo lizemukela ele How Mine lona elibhekane lokutshengisela kwabadlali bona abakhalala umsebenzi bekhonona ngokungaphiwa iholo.

Lesisimo sidale ukuba leliqembu lidlalise abadlali abangajwayelanga ukudlala emdlalweni walo le Dynamos ngoLwesine.

Facebook Forum

XS
SM
MD
LG