amalinks wokungena

Breaking News

Abatsha Abathi Bayahlukuluzwa Sebesuka Kubandla Lika Joice Mujuru


UNkosikazi Joice Mujuru leyinye inkhokheli yamabandla aphikisa ele Zanu PF.

Abasakhulayo abakade besebandleni elikhokhelwa nguNkosikazi Joice Mujuru ele National People’s Party asebebuyele kuZANU PF bathi uMujuru sokumele laye abuyele kuZANU PF njoba uMnu. Robert Mugabe onguye axabana laye sewakhitshwa kubukhokheli.

UMnu. Henry Balakazi obengunobhala jikelele ebona ngokuqoqwa kwenhlelo eHarare uthi ukuphuma kwabo akutsho ukuthi abasamhloniphi uNkosikazi Mujuru.

Omunye wabasakhulayo laye osebuyele kuZANU PF uMnu. Simbarashe Machekano uthi ukubuyela kwabo kungenxa yokuba babone ukuthi iZANU PF yiyo eleqiniso lokuqondisa eleZimbabwe.

UMachekano uthi labo abalokhe besele kuNPP kumele babuye labo ku ZANU PF ngoba indawo zabo zivele zikhona.

Ingcitshi ecubungula ezombusazwe uMnu. Tjenesani Ntungakwa uthe iNNP ayila ekumelayo njalo abazi injongo zabo yikho sebebuyela kuZANU PF.

Eyinye ingitshi kwezombusazwe uMnu. Cleopas Ndovu uthi uMujuru ngeke wabuyela kuZANU PF ngoba ekwazi ukuthi ukubuyela kwakhe yikuvuma ukubuswa yilabo abebephansi kwakhe.

UNkosikazi Mujuru waxotshwa kuZANU PF ngomnyaka ka 2014 esetheswa amacala okufuna ukugenqula umbuso kaMugabe.

Waxotshwa kanye leziphathamandla ezimbalwa ezigoqela oMnu. Didymus Mutasa, uRugare Gumbo labanye abacina besungula elabo ibandla eleZimbabwe People First kodwa layo eseyadabuka phakathi wacina esebumba ibandla ele NPP.

please wait

No media source currently available

0:00 0:04:12 0:00

Facebook Forum

XS
SM
MD
LG