Kambe amalunga ebandla le Mthwakazi Republic Party bazaphazamisa njalo na imihlangano yekhomisheni ekhuthaza ukukhumisana umlotha, eye National Peace and Republican Commission?
Lokhu kulandela ukuhlangana okwenziwe yinkokheli ye Mthwakazi leziphathamandla zekhomisheni yokukhumisana umlotha kunsukwana ezilutshwana ezisanda kwedlula.
Ikhomisheni le ihlangane leMthwakazi lezinye inhlanganiso kulandela ukukhonona kwabavela esigabeni seMandebeleni abasola indlela okuqhutshwa ngayo imihlangano yokubuthanisa imbono kazulu yikhomisheni le.
Komunye umhlangano owenzelwa koBulawayo amalunga eMthwakazi awudiliza esithi ngoba kwakusetshenziswa ulimi lwe si Shona.
Sixoxe lomkhokheli weMthwakazi Republic Party, uMnu. Mqondisi Moyo ukuze sizwe okunengi ngaloludaba.
“Umhlangano lo wawusiyakhulunyiswana lenhlupheko esihlangana lazo njengabantu be Matabeleland kakhulu sikhangelane lodaba lona lolu olukhulunywa ngalo kakhulu lenzinsuku olwe reconciliation,” kutsho uMoyo.
Uthi okumqoka abakwethulayo yikuthi udaba lwe Gukurahundi alumelanga luxutshaniswe lezinye indaba ngoba lona lwehlukile “luzimele lodwa njalo it’s a sensitive issue”.
UMoyo uthi: “Okunengi okwenzakale eZimbabwe kwenzakale ngo 2000 kusiya ngapha. Njalo ama disturbances angkhona ehlukene le genocide ka 1982 kusiya ku 1987 njalo kumele luphathwe ngendlela ehlukileyo.”
Uthi bona babengaphazamisi imihlangano ye NPRC kodwa babefuna ukuthi babekwazi ukuthi indaba ye Matabeleland leye Gukurahundi ziyahlupha.
“Asiding ukuthi size siyiphathelwe ngabantu esicabangela ukuthi banga beneficiaries abanye abathi yi moment of madness,” kutsho uMoyo.
