amalinks wokungena

ICOPAC Yethula Ugwalo LweDraft Constitution


copac ithi enye yalezi nkokheli,inhloko kahulumende umnumzana morgan Tsvangirai kanye lomsekeli wakhe kubandla le mdc ayikhokhelayo uNkosazana Thokozani Khuphe bangaphandle kwelizwe.

Ikhomidi yedale lephalamende eqhuba umsebenzi wokulotshwa kutsha kwesisekelo sombuso eye COPAC, ithi ayenelisanga ukwethulela inkokheli zamabandla akuhulumende womanyano ugwalo lwe Draft Constitution. ICOPAC ithi lokhu kwenzakele ngoba enye yalezi nkokheli, inhloko kahulumende uMumzana Morgan Tsvangirai kanye lomsekeli wakhe kubandla leMDC-T uNkosazana Thokozani Khuphe bangaphandle kwelizwe. Kubika intathelizindaba yethu uMavis Gama.

Kusenjalo, umgcinisihlalo wabatsha enhlanganisweni yeNational Constitutional Assembly uMnu. Alois Dzvairo uthi inhlanganiso yakhe ilokhu igcizelela ukuthi izakhankasela ukungemukelwa kwalolu gwalo ngoba lumumethe okwavunyelwana phakathi kwamabandla ezombusazwe hatshi abantu makhaza.

Kodwa uMnu. Believe Gaule, isiphathamandla seCOPAC utshele uSithandekile Mhlanga we Studio 7 ukuthi ugwalo lolu lumumethe imbono yabantu hatshi eyamabandla ezombusazwe.

XS
SM
MD
LG