amalinks wokungena

Breaking News

Kambe Ukuza Kwesikhonzi seUN eZimbabwe Kuzaguqula Umumo Na?


Isikhonzi seUnited Nations esibona ngamalungelo oluntu uNkosikazi Navi Pillay ugqiba uhambo lwakhe ngoLwesihlanu inengi lizibuza ukuthi ukuza kwakhe eZimbabwe kuzaqeda ukwephulwa kwamalungelo oluntu na.

UNkosikazi Pillay ukhuthaze uMongameli Mugabe emhlanganweni abawenze ngoLwesibili ukuthi aqede udlakela ukuze ukhetho oluzayo luqhutshwe ngemfanelo.

UPillay uhlangane njalo lenhloko kahulumende uMnu Morgan Tsvangirai kanye labenhlanganiso ezizimeleyo bekhulumisana ngodaba lwamalungelo oluntu.

Uphinde wahlangana njalo lekhomisheni yezamalungelo oluntu, yona engakaqali ukusebenza ngoba idale lephalamende lingakethuli umthetho oveza ukuthi izasebenza njani.

Ingcwethi kwezombusazwe uMnu Busani Ncube oweBulawayo Agenda loMnu Bhekilizwe Ndlovu, laye ocubungula ezombusazwe bathi ababoni uhambo lukaPillay luqeda ukwephulwa lokungalondolozwa kwelungelo loluntu eZimbabwe.

XS
SM
MD
LG