Owake wadlalela iqembu leZimbabwe emdlalweni wenguqu njalo obedume kakhulu ngokulwela amalungelo abadlali uMnu Paul Gundani kasekho.
UGundani, yena owake wadlalela njalo amaqembu athi eleLancashire Steel leleZiscoSteel, ubhubhele ekiliniki eKwekwe ngoLwesithathu lapho agijinyiselwe khona ekuseni esithi kezwa kuhle.
Wake wadlalela njalo iqembu leStockport eNgilandi. UGundani ubengunobhala jikelele wenhlanganiso emela abadlali benguqu elizweni eyeFootballers Union of Zimbabwe.
UMnu Gundani waduma kakhulu kubo1990 ngesikhathi seqembu leDream Team elaliqeqetshwa nguReinhard Fabich.
Wadlala ngasikhathi sinye labadlali abafana loPeter Ndlovu.
Ingcwethi kwezemidlalo uEzra Tshisa Sibanda uthi ilizwe lilahlekelwe kakhulu.
"Ngethukile ngisizwa namuhla emini ngokutshona kukaGundani," kutsho uSibanda.