amalinks wokungena

Breaking News

Umantshi Uthi Kathoniswe uNyagura Owanika uGrace Mugabe Isicoco sePhD


FILE - Zimbabwe's first lady, Grace Mugabe, addresses party supporters at a ZANU PF Rally in Chinhoyi in this July 29, 2017
FILE - Zimbabwe's first lady, Grace Mugabe, addresses party supporters at a ZANU PF Rally in Chinhoyi in this July 29, 2017

UMantshi uMunamato Mutevedzi womthethwandaba weHarare Magistrate Court ngoLwesine wale isicelo sowayenguVice Chancellor wekolitshini leUniversity yeZimbabwe, uMnu Levi Nyagura, sokuthi icala lakhe lilahlwe.

UNyagura wetheswa icala lokunika uNkosikazi Grace Mugabe isicoco sePhD ngomyaka ka2014 okuthiwa wasiphiwa okungekho emthethweni.

UNyagura uyalilandula icala leli esithi wayelandela iziqondiso zowayengumongameli uMnu. Robert Mugabe onguye owayenguChancellor wamakolitshi wonke eZimbabwe.

UNyagura ubecela inkantolo ukuthi yesule icala leli esithi kwakungekho emandleni akhe ukupha izicoco ekolitshini.

Kodwa umantshi walile isicelo lesi esithi kumele athonisiswe icala leli umthethwandaba wona utsho ukuthi umsulwa kumbe wephula umthetho.

Abantu abanengi bathi uNyagura akamelanga athwale yedwa umthwalo wecala leli ngoba uMugabe wayelamandla edlulise amalawulo.

Omunye olomnqondo onje yisakhamuzi seHarare, uMnu Mlindelwa Mancitshana.

“Nxa sikhangele udaba lolu umuntu owayekhokhela amakolitshi wonke nguMnu. Mugabe, akula muntu owayelamandla okumphikisa uMugabe. Kwakungaphezu kwamandla kaNyagura akulanto ayengayenza.”

UMancitshana usekelwe ngesinye isifundi sekolitshini leUniversity of Zimbabwe uPerence Phiri othi ukubopha uNyagura liphutha elikhulu.

Udaba Esilethulelwe NguGibson Bhebhe
please wait

No media source currently available

0:00 0:04:01 0:00

Kodwa uMnu. Mlungisi Moyo esinye isakhamuzi seHarare, uthi uNyagura kumele athonisiswa lokhu akwetheswa yinkantolo.

Imizamo yokukhuluma legqwetha likaNyagura, uMnu Sylvester Hashiti yehlule ngoba ube ethumele igqwetha elisakhulayo emthethwandaba lona elale ukutsho ibizo lalo lokukhuluma lentathezindaba.

Kusenjalo, uMongameli Emmerson Mnangagwa ngoLwesine uhlangane labatsha bebandla leZANU PF ebazisa ukuba ibandla lakhe liyaqakathekisa ukuthuthukiswa kwabo esithi balakho ukuthola imali ebhanga leEmpower Bank nxa befuna ukuqala inhlelo zokuzithuthukisa.

UMnangagwa ubikwa ehlale phansi labatsha laba ngenhloso yokuzwa izikhalazo zabo.

UMnangagwa uphinde wakhuluma ngodaba lokuhlawulwa kwabalimi abamhlophe esithi lokhu kusemthethweni kodwa uhulumende ubhadala impahla abalahlakelwa yiyo ngesikhathi sokuthathwa kwamaphulazi abo hatshi umhlabathi ngoba wawungasiwo wabo.

XS
SM
MD
LG