amalinks wokungena

Breaking News

Khama: Lulakho Ukuba Lodlakela Ukhetho LweZimbabwe


UMongameli Ian Khama weleBotswana uthi kuzabanzima ukuthi ukhetho lweZimbabwe lube ngolukhululekileyo ngoba abantu ababangela udlakela ngo2008 belokhu bengakabotshwa.

UKhama uthi kumele amanye amazwe athumele abantu ukuyabona ngokuqhutshwa kokhetho lolu ngaphambilini kwalo ukuze kwenqatshelwe udlakela.

Kudlakela olubekhona kukhetho luka2008, kufe abantu abedlula amakhulu amabili, inengi lingamalunga eMDC. Ngalokho, uKhama uthi kumele loludlakela lwenqatshelwe kukhetho oluzayo.

Inhloko kahulumende uMnu Morgan Tsvangirai uthi ukhetho lolu luzaqhutshwa ngoNtulikazi, lulandela iReferendum ezakwenziwa ngenyanga ezayo mhlaka 16.

UMongameli Jacob Zuma,weleSouth Africa, ongumlamulankunzi kudaba lweZimbabwe, yena uthi sekhangelele ukuthi agqibe umlandu wakhe kulungisiswe konke okuhluphayo.

Ingcwethi kwezombusazwe uDr. Nkululeko Sibanda uthi lanxa amazwi kaKhama elohlonzi, alakho ukwenza iZanu PF ihle ivimbe ukuthi kube labavela kwamanye amazwe abezebona ngokhetho.

please wait

No media source currently available

0:00 0:01:51 0:00
Lapho esitholakala khona
XS
SM
MD
LG