amalinks wokungena

Breaking News

Kuqhamuka Udlakela Emahofisini eMDC-T koBulawayo


UNkosazana Thokozani Khupe

UMnu. Witness Dube, umtshayeli wemota yesiphathamandla seMDC-T uNkosazana Thokozani Khupe uthwalelwe ekilinika yeGallen House KoBulawayo ukuyakwelatshwa.

Kuqhamuke udlakela emahofisini ebandla leMDC-T koBulawayo ngeSonto kwalimala amalunga alelibandla ambalwa agoqela uMnu. Witness Dube, umtshayeli wemota yesiphathamandla seMDC-T uNkosazana Thokozani Khupe othwalelwe ekilinika yeGallen House KoBulawayo ukuyakwelatshwa.

Umqoqi wenhlelo kubandla leMDC-T uMnu. Abednico Bhebhe uthi bebeqhuba umhlangano wokwazisa amalunga alelibandla ngokwenzakala eBuhera kungcwatshwa owayengumkhokheli walelibandla uMnu. Morgan Tsvangirai, njengokukhalaza kwawo, kodwa bezwa sekuphoswa amatshe.

UMnu Bhebhe uthi uyabazi ababangele lingxabangxoza.

Kusenjalo, inengi labantu eligoqela umkhokheliMthwakazi Republic Party, uMnu Mqondisi Moyo selisole ubudlwangudlwangu obenzakala kuleli bandla.

UMnumzana Effie Ncube olwela amalungelo oluntu usole loludlakela, esithi kuyadanisa ukuthi akulandelwa isisekelo sombuso kulelibandla.

Isikhulumeli sebandla leZAPU uMnu. Iphithule Maphosa usole lesi senzo esithi abantu abahlukane lodlakela.

Okhankasela ukubalilunga ledale lephalamende eBulilima, uMnu. Thamani Ncube uchaze ukuba osekusenzakala kubanlda leMDC-T kuyadanisa.

Istudio 7 ayenelisanga ukukhuluma lezinye iziphathamandla zalelibandla ukuze kucace imbangela yaloludlakela ngoba inengi lisemhlanganweni weMDC Alliance eChinhoyi. Abanye bebengaphenduli incingo zabo.

UAnnastacia Ndlovu Uyalandisa
please wait

No media source currently available

0:00 0:07:05 0:00

Facebook Forum

XS
SM
MD
LG