Abekhansili yakoBulawayo bemanyene labogatsha lukahulumende lwezempilakahla, basungule umkhankaso wokuhamba ezikolo lezibhedlela besipha abantwana abangama nkazana umuthi obavikela kugcikwane leHuman Papiloma Virus elibangela imvukuzane yesibeletho.
Leli lihlandla lesibili lohlelo oluqale ngomnyaka odluleyo olusungulwe ngoMvulo lugqitshwa NgoLwesihlanu. Amantombazana aleminyala elitshumi kusiya kwelitshumi lane, yibo abaphiwa lumuthi wokubavikela kumvukuzane yesibeletho.
UDokotela Solwayo Ngwenya umqondisi wesibhedlela seMpilo koBulawayo uchasisa ngengozi yomkhuhlane wemvukuzane yesibeletho.
“Lamuhla udaba esilukhulumayo,ludaba lwabomama abanatha amaphilisi amagcwikwana okuthiwa ngama ARVs lento esikhanya ibabulala kakhulu okuthiwa yi cervical cancer,esikuthi ngesintu yimvukuzane yomlomo wesibeletho.Kukhanya omama abanengi abenziwa i screening hayi akula nkinga,kodwa inkinga ilapha kubomama abanatha amaphilisi,umkhuhlane lo uyababamba masinya okokuthi uyathola ukuthi inyanga ezintathu kusiya ku6 months umuntu sedliwe ngumkhuhlane kasa opharetheki.”
Uyaqhubeka uDokotela Ngwenya ethi nxa imvukuzane yesibeletho ingahlangana legcikwane leHIV ilumatha ngamandla.
“Kanengi umkhuhlane lo wemvukuzane yomlomo wesibeletho,ule virus okuthiwa yi Human Papilloma Virus (HPV).I virus le ingama type amanengi kakhulu,kuleyinye itype yokuthi imvukuzane ingakubamba iyaphangisa iphume,kuthi ke lo olegcikwane leHIV nxa imvukuzane le isebenza legcikwane le HIV lokhu kokubili,imvukuzane le ilumatha okwamagama.”
Uxwayisa omama ukuthi bengavilaphi ukuya esebhedlela ukuyahlolwa impilakahle yabo ukuze bathole usizo masinyane.
“Mina ngizama ukuxwayisa omama ukuthi ngabe kuyenzeka ukuthi bahambe bayekhangela lokho ngesikhathi 6 months bekhangelwa behlolwa lama papisimie kudokotela ukuthi abalakho okusaqalisa ukuthi kube yimvukuzane ngoba imvukuzane kuyabe seku toolate njalo labo omama asebaqeda ukuba Labantwana ngiyabaxwayisa ukuthi bangakhuluma labodokotela ukuthi bangakhipha izibeletho sihleziphume lemlomo yazo mbona impilo yabo ingaba ngcono kakhulu”
Unkosikazi Sanele Mpofu ngumzali womtwana oyintombazana ohlatshwwe ijekiseni lokuvikela igcikwane leHPV ngomnyaka odluleyo.
“Mina inkazana yami yavaccinethwa ngomnyaka ophelileyo ngenyanga ka May evikelwa icervical cancer asizange sibone amaside effects ,ngithanda ukuqhonqosesa omama mmhlawumbe uyabe usesaba ukuthi kungaba yilokhu lalokhu ngemva kokuhlatshwa owami nginje ngiyavuma kazange abe lamaside effects siyabonga kakhulu kuhulumende ngoba khathesi singathi siyakhangela khathesi thina abantu abadala abanengi bahamba ngedabazecervical cancer siyawubongakakhulu umkhankaso kahulumande”
Ikhansili yakoBulawayo kanye loHulumende bethule umbiko wokuthi umkhankaso wokuvikela igcikwane leHPV uyaqala lamhlanje ngoMvulo usiyaphela Ngolwesihlanu Nkwenkwezi. Abakhangelelwe ukutholiswa lumuthi ngamankazana aleminyaka elitshumi kusiya kwelitshumi lane ezikolo lasemtholaMpilo eseduze labo.
