amalinks wokungena

Breaking News

Kube Yiziphithiphithi eHarare Amapholisa Egijimisana LabeMDC Abakade Befuna Ukutshengisela


Amapholisa enyakazela eHarare

Bekuyiziphithiphiti kugijinyisanwa okukamangoye legundwane phakathi kwamapholisa labasekeli bebandla le MDC elikhokhelwa ngumnumzana Nelson Chamisa eHarare abazondiswe yikwalelwa kwabo ukutshengisela abakade bekuhlelile ngemva kokuba umthethwandaba we High Court usekele isinqumo esithethwe ngabezomvikela ukuthi kungasabi khona.

Iziphithiphithi zabakade befuna ekutshengisela bevinjwa ngamapholisa
Iziphithiphithi zabakade befuna ekutshengisela bevinjwa ngamapholisa

Unkosazana Sithobekile Khubone isakhamuzi semzini weHighfield ,ngomunye wabekade befuna ukutshengisela.

“Lapha bakithi izinto bakithi lani liyazibona ukuthi izinto zikhwelile, ziyadura sithwele nzima bakithi, amagetsi asiwaboni, abuya ebusuku ehamba ebusuku. Yinto esikhala ngayo sifuna ukuthi izinto zingani ziyehla.”

Uchasisa ngokwethuswa yibunengi bamapholisa abezevimba uzulu ukungena e Africa Unity Square lapho bekuyindawo yokuhlanganela khona.

“Hayi, thina sibatshelile ukuthi thina impilo le esiyiphilayo liyakholisa yini, impilo esiyiphilayo lina liyathaba yini, ngithi sithenga ama shop afanayo, babe besithi buyelani ngale thina sisemsebenzini.”

Abakade beze eHarare ukuzotshengisela
Abakade beze eHarare ukuzotshengisela

USenator Lilian Timveos ongeyinye yenkokheli yeMDC usole ukuvinjwa kwabo ukutshengisela ngamapholisa.

“Mina yimihlolo le, thina besiaplayele ukuthi sense I demo yethu ngokusemthethweni so ngiyamangal so.”

Kodwa i MDC I party yami Iiyakwazi ukuthi ibizele I demo mayelana ngalokho okutshiwo yi Constitutition ye Zimbabwe so angikwazi ukuthi okuhluphayo kuyini.

Okuhluphayo kuyini, uless nxa I party le ebusayo ye junta ifuna I one party state yona eyaliwa ngabantu kudala.”

Lokhu kutshengisela u Timveos uthi yikukhalaza kuhulumende ngesimo esiselizweni kwezomnotho esithi ngoba umntwana ongakhaliyo ufela embelekweni.

“And abantu balendlala, siyakhala ngaphi?.ama queue liyawabona awe petrol, ama prices emashop liyawabona, abantu sebediniwe.”

Kodwa esinye senkokheli yohlangothi lwabatsha yebandla le Zanu Pf umnumzana Mabutho Moyo usole lokhu kutshengisela ethi akuyikuguqula lutho kusimo esikhona elizweni.

“Umuntu olambileyo vele uyazi ukuthi ungathi hamba uyekwenza lokhu, uyakwenza lokho but bona bebesazi vele ukuthi kuzokwenzakalani emgwaqweni kodwa kabayanga.Asizange sizwe ukuthi kulo Nelson Chamisa obanjiweyo, asizange sizwe ukuthi kulo Tendai Biti osebotshiwe, asizange sibone laye u Welshman Ncube, uvele wabaleka waya e Tanzani e Zanzibar esazi ukuthi ilanga lalamuhla bamele baye e sitaladeni.”

Ingcweth ecubungula ezombusazwe uMnu. Rejoice Ngwenya
Ingcweth ecubungula ezombusazwe uMnu. Rejoice Ngwenya

Enye ingcwethi kwezomnotho lezombusazwe, umnumzana Rejoice Ngwenya upha umbono wakhe phezu kokutshengisela okuhlelwe ngabeMDC ekhokhelwa ngumnumzana Nelson Chamisa.

“Amapholisa behlulekile ukuzwisisa umthetho ngoba umthetho uthi wona bafanele nje batshelwe ukuthi kuzakuba lokutshengisela, abalamvumo eyokuguqula umthetho, umthetho uvele ukhona.

Ngaye bahambe e court bayabhana endaweni yokuthi benze I announcement. Kunje so, yikho okuxabanisa abantu, abantu bacina sebethukuthela sebezondile.”

Isikhulumeli samapholisa uAssistant Commisioner Paul Nyathi uthi okwenziwe ngamapholisa lamuhla ukuxotsha abekade bedinga ukuzotshengisela kusemthethweni njalo bebesenza umsebenzi wabo wokulondoloza ukuthula elizweni.

“Thina we have said it ukuthi abantu say kulama peaceful demonsration, nxa bekhuluma yes but on the ground I situation is different ngokuthi lamuhla ekuseni lizananzelela e Budiriro abantu kade befaka amatshe emgwaqweni, e Njube koBulawayo batshise amathaya then e Tshabalala njalo e dolobheni e Harare abantu kade besenza lokhuyana okuthiwa ngama toyi toyi besenza ama slogans njalo bevimba ukuthi izimota zingahambi.”

Ngaphambilini kwalokhu kutshengisela amapholisa ayekuma emigwaqweni yonke engena e dolobheni leHarare ephumputha lokukhwathaza wonke muntu obengena bebona ukuba uthweleni.

please wait

No media source currently available

0:00 0:02:48 0:00

Facebook Forum

XS
SM
MD
LG