amalinks wokungena

Breaking News

Kubotshwa Amalunga eARTUZ, Igqwetha Lawo Kanye Lentathelizindaba


Amalgamated Rural Teachers Union of Zimbabwe

Amapholisa ngoLwesihlanu abophe amalunga enhlanganiso yeAmalgamated Rural Techers Union of Zimbabwe (ARTUZ) eHarare ngesikhathi etshengisela phezu kweholo lawo esithi kumele likhutshulwe.

Aphinde abopha njalo atshaya iggwetha lalinhlanganso uMnu Doug Coltart kanye lentathelizindaba yeNewZimbabwe.com uLeopold Munhende, yena obethatha imifanekiso yokubotshwa kwababalisi laba.

Amalunga eARTUZ abotshiweyo agoqela umkhokheli walinhlanganiso uMnu Obert Masaraure, uMnu Nation Mudzitirwa, uMnu Andrew Munguri, uMnu Gerald Tavengwa labanye.

Ukubotshwa kwabantu laba kusolwe kakhulu zinhlanganiso ezilwela amalungelo oluntu ezigoqela iZimbabwe Lawyers for Human Rights, eyiyo ebamelayo.

Kuchothozwe njalo yingcwethi kwezombusazwe uMnu Dinizulu Macaphulana esithi kuveza sobala ukuthi umbuso kaMongameli Emmerson Mnangagwa uyazifananela lokaMnu Robert Mugabe.

“Bangababulali lababantu, uzulu sezibonela kuhle nje ukuthi akulamahluko okhona phakathi kwabo lombuso kaMugabe,” kutsho uMacaphulana.

Umhleli weNewZimbabwe.com uNkosazana Dlamini yena usole ukubotshwa kukaMunhende.

“Ngibona kuzindlela zamapholisa ezokusethusela thina njengentatheli kodwa sizaqhubeka sisenza umsebenzi wethu njengoba umsebenzi wethu usemthethweni,” kutsho uDlamini.

NgoLwesihlanu olwedluleyo enye njalo intathelizindaba uFani Mapfumo, osebenzela iphephandaba leZim Morning Post uhlaselwe ngamapholisa amtshiya elimele kakubi eHarare ngesikhathi laye eqhuba umsebenzi wakhe.

Facebook Forum

XS
SM
MD
LG