amalinks wokungena

Breaking News

Kubotshwa Umkhokheli weAmalgamated Rural Teachers Union of Zimbabwe


Umnumzana Obert Masaraure wenhlanganiso eye Amalgamated Rural Teachers Union of Zimbabwe (ARTUZ)
Umnumzana Obert Masaraure wenhlanganiso eye Amalgamated Rural Teachers Union of Zimbabwe (ARTUZ)

UMnu. Obert Masaraure owenhlanganiso eye Amalgamated Rural Teachers Union of Zimbabwe (ARTUZ) uvalelwe ejele le Chikurubi Maximum Prison kuze kuye fika umhlaka 25 Zibandlela, 2019.

UMasaraure ubikwa eyalelwe ukuhlaulela imali yesibambiso eye Bail ekumisweni kwakhe phambi komthethwandaba kaMantshi eHarare esetheswa amacala okubazelwa besithi utshotshozela abantu ukuvukela uhulumende.

U Masaraure ubikwa ebuye wazothathwa emzini wakhe ngabantu ababuye behlome bephelele ngemibhobho langenduku ngoMgqibele ekuseni mhlaka 19 Zibandlela, abamtshaye kakubi phambi kwemuli yakhe andubana bambophe besiyamvalela.

Abe ARTUZ basole kakhulu ukuphathwa kubi okwenziwe umkhokheli wabo okufakazwa ngunobhala obna ngendaba zabesifazana kulenhlanganiso, uNkosazana Moreblessing Nyambara kodwa esithi bazoqhubeka phambili belwela ilungelo labo ngoba lokhu kujonge ukubaphazamisa kulimpi yabo.

“Umthethwandaba uthi uMkhokheli weARTUZ, uMnu. Obert Masaraure, uzaqhubeka evalelwe eChikurubi kuze kuyefika umhlaka 25 Zibandlela. Ngemva kokutshaywa walinyazwa kakubi, uMasaraure akakatholi usizo lokwelatshwa ngodokotela. Sithe sibuza bathe uzokhwelatshwa ngodokotela abasebenzela ejele, kodwa akula asilaqiniso lokuthi lokhu kuzakwenzakala. Njengenhlaniso sixwayisa ababalisi abangamalunga ethu ukuthi kumele bengalokothi balugxobe emsebenzini ngoba kusobala ukuthi uhulumende uqinisa ikhanda engafuni ukulalela izikhalazo zethu” kutsho uNyambara.

please wait

No media source currently available

0:00 0:00:51 0:00

XS
SM
MD
LG