amalinks wokungena

Breaking News

Kubotshwa Abafundi beNUST koBulawayo Betshengisela


National University of Sciences and Technology (NUST)

Abafundi beNUST bathi batshengisele bekhonona ngokuthi sebelamaviki edlula amane bengafundi ngoba ababalisi bebekhalala umsebenzi labo bekhala ngokuthi kabafuni ukufundisa izifundo ezedlula ezimbili.

Abafundi beNUST koBulawayo betshengisela.
Abafundi beNUST koBulawayo betshengisela.

Bathe betshengisela amapholisa abahlasela abopha abanye kwathi abanye bathelwa ngamazi ababayo behanqwe ngamapholisa ahlomileyo lezinja zamapholisa. Amapholisa aphinde ahlukuluza intathelizindaba bezicala ngokuthatha iimifanekiso lamavideo.

Isikhulumi seNUST, uMnu. Felix Moyo uchaze ukuba sebenze umhlangano lababalisi bavumelana ukuthi babuyele emsebenzini njalo isikhalazo sabo sokungafuni ukufundisa izifundo ezedlula ezimbili sizwakele njalo lesisimemezelo sokufundisa izifundo ezedlula ezimbili sesibekwe eceleni.

Abafundi beNUST koBulawayo betshengisela
Abafundi beNUST koBulawayo betshengisela

UMoyo wengeze ethi ukukhalala umsebenzi kwababalisi sekuphelile njalo kusasa izifundo ziyaqala, lokhu kuphume ngemva kwenkulumo labakhokheli babafundi nomanje beyalile ukutsho abakuvumelane lenkokheli zeNUST.

Kulabafundi ababotshiweyo, kulokhu kutshengisela kwalamahlanje okugcizelelwe ngamapholisa emmelwe nguInspector Manzini Moyo.

Abafundi esenelise ukukhuluma labo baveze ukukhathazeka kwabo ngokuya esikolo kodwa bengafundi.

UNqobizitha Tshuma omunye wabafundi laba uchasisa ngokutshengisela kwabo besola isiphatho abasitholileyo sokuthelwa ngamanzi, ukubotshwa lokubizelwa amapholisa lezinja.

Abafundi beNUST bethwalwa ngamapholisa ngemva kokutshengisela
Abafundi beNUST bethwalwa ngamapholisa ngemva kokutshengisela

Omunye osakhulayo uTafadzwa Nyaradzo uthi abafundi bona balanda ukuzofunda hatshi ukuzohlala esikolo kusibalendleko.

Omunye uMfundi uMcedisi Sibanda ungezelele inkulumo lezi ethi abantu abaphandle abazi ukuthi kwenzakani eNUST kodwa ababalisi lenkokheli zeNUST ziphoselana inyoka ephilayo.

Inkokheli zabafundi asenelisanga ukukhulumisana lazo incingo zabo bezingasaphendulwa muntu. Akukaziwa ukuba bangaki abafundi ababotshiweyo kodwa izifundo ziyaqala ngoLwesibili.

please wait

No media source currently available

0:00 0:02:58 0:00

Facebook Forum

XS
SM
MD
LG