amalinks wokungena

Breaking News

Kubunjwa Ibandla Lezombusazwe Elitsha


Zimbabwe Falg
Kulebandla lezombuzazwe elizibiza ngokuthi yiZimbabwe Freedom Front elisungulwe eHarare ngoLwesibili.

Umkhokheli walelibandla uMnu Cosmas Muponda uthi ukhangelele ukuncintisa kukhetho oluzayo edinga ukuba ngumongameli welizwe.

UMuponda usole kakhulu uhulumende womanyano esithi kenelisanga ukuvuselela umnotho ngenxa yokudonselana phakathi kwezanu PF leMDC.

Yinto evamileyo ukuthi nxa ilizwe selibhekane lokhetho kuqhamuke amabandla amanenginengi asuke anyamalale ukhetho solwedlule.

Abikwa sefika amatshumi amabili lasitshiyagalolunye (29) amabandla ezombusazwe abhaliswe okusemthethweni elizweni.

Umgicinisihlalo wabatsha kuZimbabwe Freedom Front uMnu Thulani Masipha utshele iStudio 7 ukuthi injongo yabo emqoka ngeyokungena embusweni balungisise konke okuhluphayo.

"Okwenze sabumba lelibandla yikuthi uncedo lukahulumende womnayno kasiluboni," kutsho uMnu Msipha.

"Indlala esilayo lapha eZimbabwe inkulu kakhulu, imigwaqo yakhona kayilungiswa, abantwana bayaxotshwa ezikolo ngenxa yokuthi silodubo lokuswela izimali zakhona, akulanto elingayo lapha."

Ukuhlaziya udaba lobunengi bamabandla ezombusazwe elizweni sixhume ingcwethi kwezombusazwe uMnu Nkululeko Sibanda yena othi kulungele umbuso omuhle ukuthi kubelamabandla amanengi.

Kodwa uthe okudanisayo yikuthi amanengi alawamabandla ayabe engelabasekeli.

Kusegcekeni ukuthi amabandla la kkakwanisi ukuphatheka kwezombusazwe ngokugcweleyo. Ngakho asibuyisela emuva nxa sikhangela indlela uhulumende abunjwe ngayo ngalesisikhathi," kutsho uMnu Sibanda.
XS
SM
MD
LG