Ingcwethi kwezokwemba amatshe aligugu zithi kumqoka ukuba omakorokoza labamankampani amancane awokwemba asebenze ngokusemthethweni phansi komthetho ongakethulwa othiwa yiMines and Minerals Amendment Bill.
Ingcwethi lezi zithi omakorokoza lamankampani amancane baqakathekile kakhulu kwezokuthuthukisa umnotho welizwe.
Uhulumende uthi kumele iMines and Minerals Amendment Bill elungiswayo ibekhona ukwenzela ukuguqula umthetho weMines and Minerals Amendment Act, owabekwa ngomnyaka ka 1961,obusebenza ukulawula indlela imisebenzi yezokwemba ebeyiqhutshwa ngayo kusukela ngaleso sikhathi.
Enye yalezingcwethi, uMnu. Wellington Takavarasha, njalo okhokhela iZimbabwe Miners Federation, utshele intathelizindaba ukuba uhlangothi lwabemba bezimele lwatshiywa phandle kwalumthetho.
Sokulungiswa iMines and Minerals Amendment Bill esilindele ukuba iyefundwa edale lephalamende andubana ibe ngumthetho ogcweleyo.
Lokhu kuza ngemva kwemikhankaso eyenziwe ngabenhlanganiso ezisebenzelana lozulu kanye leziphatheke kwezokucubungula abakuveza obala ukuba umthetho owalungiswa ngo1961 lo awuhambelani lokwenzakala elizweni kuhlangothi lwezokwemba.
Lumthetho weMines and Minerals Act (Chapter 21:05) owomnyaka ka1961wabekwa ngesikhathi kulabantu lamankampani ambalwa awelizweni ayesemba okutshiyeneyo eZimbabwe.